नरैनापुरमा सरकारी स्तरमा पहिलो पटक अपांगता दिवस मनाइयो

समाचार

गृहपृष्ठ
समाचार
नरैनापुरमा सरकारी स्तरमा पहिलो पटक अपांगता दिवस मनाइयो

नरैनापुरमा सरकारी स्तरमा पहिलो पटक अपांगता दिवस मनाइयो

अपांगता भएका १० जनालाई सम्मान

मंगलबार, मंसिर १७, २०७६ बागेश्वरी पोस्ट

(नरैनापुर) बाँके । बाँकेको नरैनापुर गाउँपालिकामा सरकारी स्तरमा पहिलो पटक अपांग दिवस मनाइएको छ । २८ औं अन्तर्राष्ट्रिय अपांग दिवसका अवसरमा आज (मंगलबार) गाउँपालिकाको महिला तथा बालबालिका शाखाद्वारा आयोजित कार्यक्रममा अपांगता भएका १० जना स्थानीयलाई सम्मान गरिएको शाखा प्रमुख कृष्णा कुमारी चन्दले बताउनुभयो ।

गाउँपालिकाका प्रमुख प्रशासकीय अधिकृत दल बहादुर बस्नेतको अध्यक्षता एवम् गाउँपालिकाका अध्यक्ष इस्तियाक अहमद शाहको प्रमुख आतिथ्यतामा भएको कार्यक्रममा अपांगता भएका व्यक्तिहरुले सेतो र पहेंलो कार्ड भएकाहरुलाई पनि भत्ता दिन माग गरेका छन् । सरकारले रातो र निलो कार्ड भएका व्यक्तिहरुलाई मात्र भत्ता दिँदै आएको छ ।

कार्यक्रममा बोल्दै गाउँपालिकाका अध्यक्ष शाहले अपांगता भएका व्यक्तिहरुलाई निःशुल्क र सहज सेवा सुविधा उपलब्ध गराउन गाउँपालिका प्रतिबद्ध रहेको बताउँदै उनीहरुको समस्या समाधान र माग सम्बोधनका लागि पनि गाउँपालिका पर्यत्नशील रहने बताउनुभयो ।

प्रमुख प्रशासकीय अधिकृत बस्नेतले अपांगता भएका व्यक्तिहरुलाई आयआर्जनमा जोड्न सीपमूलक तालिम सञ्चालन गरिने बताउनुभयो । अपांगता भएकाहरुको व्यक्तित्व विकासका लागि गाउँपालिका संवेदनशील रहेको उहाँको भनाई छ । हरेक बर्ष डिसेम्बर ३ तारिखमा अन्तर्राष्ट्रिय अपांग दिवस मनाइन्छ ।

प्रकाशित मिति: मंगलबार, मंसिर १७, २०७६ १७:१२