पहिरोले घर बगाउँदा एकै परिवारका तीन जनाको मृत्यु

समाचार

गृहपृष्ठ
समाचार
पहिरोले घर बगाउँदा एकै परिवारका तीन जनाको मृत्यु

पहिरोले घर बगाउँदा एकै परिवारका तीन जनाको मृत्यु

बुधबार, असार ९, २०७८ बागेश्वरी पोस्ट

नेपालगञ्ज । रोल्पामा पहिरोले घर बगाउँदा एकै परिवारका तीन जनाको मृत्यु भएको छ । रोल्पा नगरपालिका–९ होमाका टिका सिंह बुढा मगरको घर गएराति पहिरोले बगाउँदा तीन जनाको मृत्यु भएको हो ।

गएराति १२ बजेको समयमा अविरल वर्षासँगै आएको पहिरोले बुढामगरकी आमा ८६ बर्षीया करती बुढामगर, १८ बर्षीया बुहारी सुशीला बुढा मगर र १५ बर्षीया छोरी श्यामकला बुढामगरको पहिरोमा पुरिएर मृत्यु भएको जिल्ला प्रहरी कार्यालय रोल्पाका प्रवक्ता प्रहरी निरिक्षक कृष्ण रानाले जानकारी दिनुभयो ।

जिल्ला प्रहरी प्रमुख प्रहरी नायब उपरिक्षक नरेशराज सुवेदी सहितको टोली घटनास्थलतर्फ गएको रानाले बताउनुभयो । ६ जनाको परिवार रहेकामा बुढा मगर आफू, श्रीमती र छोरा भने बाँच्न सफल भएको प्रहरी निरीक्षक रानाले बताउनुभयो ।

प्रकाशित मिति: बुधबार, असार ९, २०७८ ११:०१

प्रतिक्रिया दिनुहोस्