मन्त्री नबनाएको आक्रोश पोख्दै आठ सांसदले बैठक बहिष्कार

राजनीति

गृहपृष्ठ
राजनीति
मन्त्री नबनाएको आक्रोश पोख्दै आठ सांसदले बैठक बहिष्कार

मन्त्री नबनाएको आक्रोश पोख्दै आठ सांसदले बैठक बहिष्कार

शुक्रबार, असार ११, २०७८ बागेश्वरी पोस्ट

नेपालगन्ज । जनता समाजवादी पार्टी (जसपा)को महन्थ ठाकुर-राजेन्द्र महतो समुहभित्र किचलो बढेको छ । अध्यक्ष ठाकुर र वरिष्ठ नेता महतोले बिहीबार राखेको निवर्तमान सांसदहरूसँगको छलफल कार्यक्रम आठ जना निवर्तमान सांसदले वहिष्कार गरे ।

पार्टी दुई समूहमा विभाजित हुँदा यसअघि अध्यक्ष ठाकुर र वरिष्ठ नेता महतोको पक्षमा २० निवर्तमान सांसद थिए । अर्का अध्यक्ष उपेन्द्र यादव समूहमा १२ सांसद रहेका थिए । मन्त्री नबनाएको आक्रोश पोख्दै ती आठ सांसदले बैठक बहिष्कार गरेका हुन् ।

जसपा स्रोतका अनुसार प्रमोद साह, अमृता अग्रहरि, रानी मण्डल, दुलारी देवी, विमल श्रीवास्तव, राजकिशोर यादव, चन्द्रकान्त चौधरी र नरमाया ढकालले छलफल कार्यक्रम बहिष्कार गरेका हुन् ।

राजकिशोर र विमलमन्त्री नियुक्त भएका थिए । पार्टी एकताको पक्षमा रहेका राजकिशोरले ठाकुर र महतोलाई आफ्नो नेता अस्वीकार गर्दै आएका छन् । उनी जसपा पार्टी एकताको पक्षमा रहेकाले ठाकुर र महतो पक्षले बोलाएको बैठकमा सहभागी नभएको उनी निकट नेताले जनाएको छ ।

प्रकाशित मिति: शुक्रबार, असार ११, २०७८ १०:०८

प्रतिक्रिया दिनुहोस्