भेरोसेल खोपको दोस्रो डोज आज लगाइँदै

समाचार

गृहपृष्ठ
समाचार
भेरोसेल खोपको दोस्रो डोज आज लगाइँदै

भेरोसेल खोपको दोस्रो डोज आज लगाइँदै

मंगलबार, असार २२, २०७८ बागेश्वरी पोस्ट

नेपालगञ्ज । भेरोसेल खोपको दोस्रो डोज आज लगाइँदैछ । जिल्लाका सबै स्वास्थ्य संस्थाबाट भेरोसेलको दोस्रो मात्रा लगाउन शुरु गरिएको स्वास्थ्य कार्यालय बाँकेका खोप अधिकृत भेषराज शर्माले बताउनुभयो ।

गत जेठ २६ गते पहिलो मात्रा लगाएकाहरुलाई दोस्रो दास्रो डोज दिन लागिएको हो । दोस्रो खोप लगाउन जाँदा पहिलो खोप लगाउँदा दिइएको कार्ड अनिवार्य गरिएको छ ।

जिल्लाका ८ वटै स्थानीय तहका ८१ वटा वडामा भएका स्वास्थ्य कार्यालयका अनुसार जिल्लाभर ८ हजार ५ सय ९० जनालाई खोप लगाउने लक्ष्य रहेको छ ।

भेरोसेलको पहिलो डोज ६२ देखि ६४ वर्षका उमेर समूहका जेष्ठ नागरिकसँगै फ्रन्टलाइनरलाई दिने नेपाल सरकारको निर्णय भएर त्यही अनुसार पत्राचार भएपनि लक्षित समूह भन्दा अन्य व्यक्तिहरुलाई पनि बाँकेमा खोप दिएपछि लक्षित समूह नै खोप पाउनबाट बञ्चित भएको देखिएको छ ।

प्रकाशित मिति: मंगलबार, असार २२, २०७८ ११:३४

प्रतिक्रिया दिनुहोस्