नेपालगञ्जको वडा नम्बर ७ का महिलालाई व्युटिसियन तालिम

समाचार

गृहपृष्ठ
समाचार
नेपालगञ्जको वडा नम्बर ७ का महिलालाई व्युटिसियन तालिम

नेपालगञ्जको वडा नम्बर ७ का महिलालाई व्युटिसियन तालिम

बिहीबार, मंसिर १९, २०७६ बागेश्वरी पोस्ट

नेपालगञ्ज । नेपालगञ्ज उपमहानगरपालिका वडा नम्बर ७ का महिलाहरुलाई ब्युटिसियन तालिम दिइएको छ । ७ नम्बर वडा कार्यालयको सहयोग एवम् रुसुफ मल्टिप्रपोज प्रालिको आयोजनामा सञ्चालित ४० दिने व्युटिसियन तालिमको आज समापन गरिएको छ ।

वडा लक्षित कार्यक्रम अन्तर्गत् सञ्चालित तालिमको समापन कार्यक्रममा बोल्दै वडा अध्यक्ष जुम्मन खाँले महिलाहरुलाई सीप सिकाएर आत्मनिर्भर बनाउन तालिम दिइएको बताउनुभयो । उहाँले महिलाहरुको विकास र उत्थानका लागि वडा सधैं प्रतिबद्ध रहेको बताउँदै आगामी दिनमा पनि विभिन्न सीपमूलक तालिम मार्फत् महिलाहरुलाई स्वाबलम्बन बनाउन पर्यत्न गरिने बताउनुभयो ।

रुसुफका अध्यक्ष मुस्ताक अलि राईले सिकेको सीपलाई व्यवहारमा उतार्नुपर्नेमा जोड दिनुभयो । उहाँले महिलाहरुको सीप विकासका लागि विभिन्न सरकारी निकायसंग समन्वय गरेर आगामी दिनमा अझैं एड्भान्स्ड तालिम प्रदान गरिने बताउनुभयो ।

समापन कार्यक्रममा वडा सदस्यद्वय कलीम राई, किशोर क्षेत्री, पत्रकार नवीन गिरी, प्रशिक्षक जया कौशल, रुसुफकी कार्यक्रम अधिकृत करुणा बयलकोटी, कार्यसमिति सदस्य मकबुल मकुरी लगायतले सिकेको सीपको सदुपयोग गर्न प्रशिक्षार्थीहरुलाई आग्रह गर्नुभएको थियो ।

१६ जना सहभागी तालिम कार्तिक ५ गतेदेखि मंसिर १५ गतेसम्म सञ्चालन गरिएको थियो ।

प्रकाशित मिति: बिहीबार, मंसिर १९, २०७६ १७:५९

प्रतिक्रिया दिनुहोस्