प्रतिनिधि सभा बैठक आज बस्दै

राजनीति

गृहपृष्ठ
राजनीति
प्रतिनिधि सभा बैठक आज बस्दै

प्रतिनिधि सभा बैठक आज बस्दै

आइतबार, साउन ३, २०७८ बागेश्वरी पोस्ट

नेपालगन्ज ।सर्वोच्च अदालतबाट दोस्रो पटक ब्युँतिएपछि प्रतिनिधि सभाको पहिलो बैठक आइतबार बस्दैछ । राष्ट्रिय सभाको बैठक पनि आइतबारै बस्दैछ । सरकारको सिफारिसमा राष्ट्रपति विद्यादेवी भण्डारीले प्रतिनिधि सभाको अधिवेशन आह्वान गरेपछि आइतबार अपरान्ह ४ बजे संघीय संसद भवन बानेश्वरमा बैठक बस्न लागेको हो ।

प्रतिनिधिसभाको बैठकमा सरकारले १६ वटा विधेयकहरू पेश गर्ने तयारी गरेको छ । यीमध्ये बजेटसम्बन्धी ३ वटा अध्यादेशसमेत रहेका छन्। शनिबार बसेको मन्त्रिपरिषद बैठकले निवर्तमान प्रधानमन्त्री केपी शर्मा ओली नेतृत्वको सरकारले ल्याएका अध्यादेशहरु प्रतिनिधि सभामा पेश गर्दै प्रक्रियामा लैजाने निर्णय गरेको हो ।

राष्ट्रिय सभाको बैठक पनि बस्दैछ । प्रतिनिधि सभा पुनर्स्थापना भएपछि केपी शर्मा ओली नेतृत्वको निवर्तमान सरकारले हठात् असार २८ गते राष्ट्रिय सभा अधिवेशन अन्त्य गरेको थियो।

असार २८ गते नै सर्वोच्च अदालतले केपी ओली सरकारले गरेको प्रतिनिधि सभा विघटनको निर्णयलाई बदर गर्दै पुनस्र्थापना गरिदिएको थियो । अदालतले देउवालाई प्रधानमन्त्री बनाउन राष्ट्रपतिका नाममा समय नै तोकेर परमादेश दिएको थियो । त्यस्तै साउन ३ गते संसद बैठक डाक्न पनि आदेश दिएको थियो ।

प्रकाशित मिति: आइतबार, साउन ३, २०७८ ०९:४९

प्रतिक्रिया दिनुहोस्