कृषि अनुसन्धान कार्यालयहरुको प्रगति समिक्षा गोष्ठी खजुरामा सम्पन्न

समाचार

गृहपृष्ठ
समाचार
कृषि अनुसन्धान कार्यालयहरुको प्रगति समिक्षा गोष्ठी खजुरामा सम्पन्न

कृषि अनुसन्धान कार्यालयहरुको प्रगति समिक्षा गोष्ठी खजुरामा सम्पन्न

शुक्रबार, साउन ८, २०७८ बागेश्वरी पोस्ट

खजुरा(बाँके) । नेपाल कृषि अनुसन्धान परिषद्को तीन प्रदेशमा रहेका १२ ओटा कृषि अनुसन्धान कार्यालयहरुको आर्थिक बर्ष २०७७/७८ को तेस्रो चौमासिक तथा बार्षिक प्रगति समिक्षा गोष्ठी खजुरामा शुक्रबार सम्पन्न भएको छ ।

कृषि अनुसन्धान निर्देशनालय लुम्बिनी प्रदेश खजुराले आयोजना गरेको गोष्ठीमा खजुरासहित कृषि अनुसन्धान निर्देशनालय सुदुरपश्चिम प्रदेश डोटी र कृषि अनुसन्धान निर्देशनालय कर्णाली प्रदेश सुर्खेतले आ-आफ्नो कार्यालयको प्रस्तुतिकरण गरेका थिए । खजुराका प्राविधिक अधिकृत रविन गिरी, डोटीका निर्देशक मथुरा यादव र सुर्खेतका प्राविधिक अधिकृत केशव पोख्रेलले कार्य प्रगति विवरण प्रस्तुत गर्नुभएको थियो । गोष्ठीमा उच्च पर्वतीय कृषि अनुसन्धान प्रतिष्ठान जुम्लाका बैज्ञानिक रमेश प्रसाद साहले प्रस्तुतिकरण गर्नुभएको थियो ।

No description available.

कृषि अनुसन्धान निर्देशनालय लुम्बिनी प्रदेश खजुराका निर्देशक अमर बहादुर पुन मगरको सभापतित्वमा सम्पन्न गोष्ठीको प्रमुख अतिथि नेपाल कृषि अनुसन्धान परिषद्का आर्थिक प्रशासन निर्देशक डा.युगनाथ घिमिरे हुनुहुन्थ्यो । गोष्ठीमा राष्ट्रिय गहुँबाली अनुसन्धान कार्यक्रम भैरहवा, कोसेबाली अनुसन्धान कार्यक्रम खजुरा, अदुवावाली अनुसन्धान कार्यक्रम कपुरकोट, कफी अनुसन्धान कार्यक्रम गुल्मी, भेडाबाख्रा अनुसन्धान कार्यक्रम जुम्ला, बागबानी अनुसन्धान केन्द्र दैलेख, कृषि अनुसन्धान केन्द्र जुम्ला र बागबानी अनुसन्धान केन्द्र जुम्लाले पनि आ-आफ्ना कार्यालयका प्रगति विवरण प्रस्तुत गरेका थिए ।

No description available.

गोष्ठीमा बोल्दै प्रमुख अतिथि नेपाल कृषि अनुसन्धान परिषद्का आर्थिक प्रशासन निर्देशक डा।घिमिरेले विगतका अनुसन्धान सिकाई र कार्यशैलीको समिक्षा गर्दै आगामी दिनमा थप परिमार्जन गर्दै कार्ययोजना बनाई अघि बढ्नुपर्ने बताउनुभयो । उहाँले नार्कमा विकास भएका प्रविधि किसानसम्म पुगेपछि मात्र अनुसन्धानको उपलब्धिले पूर्णता पाउने भएकाले किसानसम्म प्रविधि विस्तारलाई जोड दिन निर्देशन दिनुभयो । डा. घिमिरेले स्थानीय र प्रदेश स्तरका कृषि विकाससंग सम्बन्धित सरकारी गैरसरकारी निकायसंग समन्वयमा जोड समेत दिनुभयो ।

खजुराका निर्देशक पुन मगरले नार्कले मातहतका कार्यालयको अनुसन्धान परियोजनाको डिजिटल मोनिटरिङ गर्नुपर्ने बताउनुभयो । किसानले बुझ्ने भाषामा प्रविधि सामग्री प्रकाशन गरिनुपर्नेमा उहाँको जोड छ । आफूहरुले लुम्बिनी प्रदेशमा अनुसन्धान र प्रसार बीच स्थानीय र प्रदेशस्तरमा समन्वय बढाइरहेको र थप गर्दै जाने उहाँले उल्लेख गर्नुभयो । निर्देशक पुन मगरले कोभिडका कारणले वाह्य अनुसन्धानका केहि क्रियाकलापमा असर परेको भएपनि आफूहरु निरन्तर प्रविधि विस्तारमा लागिपरेको बताउनुभयो । उक्त गोष्ठीको सहजीकरण प्राविधिक अधिकृतद्वय हेमा पौडेल र सुमन बोहराले गर्नुभएको थियो ।

प्रकाशित मिति: शुक्रबार, साउन ८, २०७८ १७:०२

प्रतिक्रिया दिनुहोस्