लुम्बिनी प्रदेशसका तीन मन्त्री सांसदबाट पदमुक्त

राजनीति

गृहपृष्ठ
राजनीति
लुम्बिनी प्रदेशसका तीन मन्त्री सांसदबाट पदमुक्त

लुम्बिनी प्रदेशसका तीन मन्त्री सांसदबाट पदमुक्त

शुक्रबार, साउन १५, २०७८ बागेश्वरी पोस्ट

नेपालगन्ज । लुम्बिनी प्रदेशसभामा जसपाका तीन जना सांसद पदमुक्त भएका छन् ।

प्रदेशसभा सचिवालयले जसपाका सन्तोषकुमार पाण्डेय, विजयबहादुर यादव र कल्पना पाण्डेय पदमुक्त भएको सूचना जारी गरेको छ । सांसद पदमुक्त भएका तीनै जना मुख्यमन्त्री शंकर पोखरेल नेतृत्वको प्रदेश सरकारमा मन्त्री छन् ।जसपाको उपेन्द्र यादव पक्षकै निर्णयका आधारमा १४ वैशाखमा सन्तोषकुमार पाण्डेय, विजयबहादुर यादव र कल्पना पाण्डेयसँगै सुमन शर्मा रायमाझी पदमुक्त भएका थिए ।

तर सर्वोच्च अदालतले ३ जेठमा आफ्नो पक्षमा आदेश दिएपछि उनीहरु फेरि प्रदेशसभामा फर्किए । १८ असारमा रायमाझीले भौतिक पूर्वाधार विकास राज्यमन्त्रीबाट राजीनामा दिएर यादव पक्षमा लागिन् । तीन जना महन्थ ठाकुर पक्षमा खुले ।

११ साउनमा यादव पक्षले निर्वाचन आयोगबाट पार्टीको आधिकारिकता पाएलगत्तै लुम्बिनीका तीन सांसदलाई कारबाही गर्ने निर्णय गर्‍यो । पार्टीको निर्णय विपरीत सरकारमा सामेल भएको, दलको ह्वीप उल्लंघन गरेको जसपाको आरोप छ ।

पार्टीले लगाएको ह्वीप उल्लंघन गरेपछि उनीहरुलाई गत जेठ ३० गते स्पष्टीकरण सोधिएको र त्यसको चित्तबुझ्दो जवाफ नदिएकाले राजनीतिक दलसम्बन्धी ऐन २०७३ अनुसार कारबाही गरेको जसपा संसदीय दलका नेता सहसराम यादवले बताए ।

प्रकाशित मिति: शुक्रबार, साउन १५, २०७८ १६:२३

प्रतिक्रिया दिनुहोस्