जे हुन्छ संविधानअनुसार हुन्छ : लुम्बिनी प्रदेश प्रमुख शेरचन

राजनीति

गृहपृष्ठ
राजनीति
जे हुन्छ संविधानअनुसार हुन्छ : लुम्बिनी प्रदेश प्रमुख शेरचन

जे हुन्छ संविधानअनुसार हुन्छ : लुम्बिनी प्रदेश प्रमुख शेरचन

सोमबार, साउन १८, २०७८ बागेश्वरी पोस्ट

लुम्बिनी प्रदेश प्रमुख अमिक शेरचन

नेपालगन्ज । लुम्बिनी प्रदेशका प्रदेश प्रमुख अमिक शेरचनले आफुले संविधान अनुसार सरकारको अवस्थाबारे जानकारी लिएर आगामी कदम चाल्ने बताएका छन्।

विपक्षी गठबन्धनको निवेदन बुझेपछि प्रदेश प्रमुख शेरचनले संविधान, विधि र संवैधानिक परम्परा र सहमतिका माध्यमबाट निष्कर्ष निकाल्ने बताएका हुन्।

उनले भने- 'यहाँहरुले मेरो जुन ध्यानाकर्षण गराउनुभएको छ त्यसमा म आफ्नो क्षेत्राधिकार भित्र रहेर संवैधानिक परम्परा, व्यवस्था र सरकार गठनको प्रक्रियाबारे जानकारी लिएर, कानुनविद् र दलहरुसँग छलफल गरेर यसको एउटा निष्कर्ष निकाल्छु, जे हुन्छ संविधानअनुसार नै हुन्छ।'

उनले संविधानभन्दा माथि कोही पनि नहुने दोहोर्‍याउँदै संविधानअनुसार नै काम हुनुपर्ने बताए। उनले प्रदेश सरकार र मुख्यमन्त्रीलाई आफुले सरकार गठनको प्रक्रिया र अवस्थाबारे छलफल गर्न बोलाएको र आइतबार नै आउने जानकारी पाएको उल्लेख गरेका थिए।

'मैले सरकार कसरी चलेको छ, विपक्षीहरुको यस्तो भनाई रहेछ भन्ने विषयलाई समेत लिएर मुख्यमन्त्रीज्यूलाई छलफलका लागि बोलाएको थिएँ, उनले भनेका थिए-उहाँले आइतबारलाई नै समय हुन्छ भन्नुभएको थियो।'

प्रकाशित मिति: सोमबार, साउन १८, २०७८ १६:३१

प्रतिक्रिया दिनुहोस्