म माओवादी केन्द्रमै छु : सांसद विमलाकुमारी खत्री वली

राजनीति

गृहपृष्ठ
राजनीति
म माओवादी केन्द्रमै छु : सांसद विमलाकुमारी खत्री वली

म माओवादी केन्द्रमै छु : सांसद विमलाकुमारी खत्री वली

बुधबार, साउन २०, २०७८ बागेश्वरी पोस्ट

लुम्बिनी प्रदेश सभा सदस्य विमलाकुमारी खत्री वली

नेपालगन्ज । लुम्बिनी प्रदेश सभा सदस्य विमलाकुमारी खत्री वलीले आफू माओवादी केन्द्रमै रहेको बताएकी छन् ।

एक हप्तादेखि पार्टीसँग ‘सम्पर्कविहीन’ भएकी उनी बुधबार बिहान प्रदेशसभा सचिवालयमा रहेको माओवादी संसदीय दलको कार्यालयमा उपस्थित भएर आफू माओवादीमा रहेको बताएकी हुन् ।

माओवादी संसदीय दलका एक सदस्यका अनुसार उनी आफैं पार्टीको सम्पर्कमा आएकी हुन् । विमलाले आफूलाई मुख्यमन्त्री कार्यालयमै राखिएको नेताहरुसँग बताएको माओवादी संसदीय दलका एक सदस्यले भने ‘उहाँ आज बिहान ११ बजेपछि आफैं माओवादी केन्द्रको संसदीय दलको कार्यालयमा आउनुभयो,’ उनले भने, ‘उहाँ हामीसँग रुनु पनि भयो, निकै तनावमा हुनुहुन्थ्यो ।’

विमलाले केही घण्टा आराम गरेर बुधबारै दिउँसो नै पत्रकार सम्मेलन गरेर आफ्ना कुरा सार्वजनिक गर्ने आफूहरुसँग बताएको माओवादी संसदीय दलका ती सदस्यले बताए ।

दुई दिनअघि मात्रै विमलाको हस्ताक्षरमा आफू एमालेमै रहेको व्यहोराको प्रेस विज्ञप्ति सार्वजनिक भएको थियो । तर माओवादी केन्द्रले मुख्यमन्त्री शंकर पोखरेलको सरकारी निवासमा ‘बन्धक’ बनाएर जबरजस्ती नक्कली विज्ञप्ति निकालिएको आरोप लगाएको थियो ।

माओवादी केन्द्रले तत्काल विमलाको स्थिति सार्वजनिक गर्न, उनको जीवन रक्षा गर्न र घटनाको उच्चस्तरीय छानवीन गर्न सरकारसँग माग गरेको थियो ।

प्रकाशित मिति: बुधबार, साउन २०, २०७८ १४:५४

प्रतिक्रिया दिनुहोस्