लुम्बिनी प्रदेशसभाको विशेष अधिवेशन आह्वानविरुद्धको रिट निवेदन न्यायाधीश भट्टराईको इजलासमा

राजनीति

गृहपृष्ठ
राजनीति
लुम्बिनी प्रदेशसभाको विशेष अधिवेशन आह्वानविरुद्धको रिट निवेदन न्यायाधीश भट्टराईको इजलासमा

लुम्बिनी प्रदेशसभाको विशेष अधिवेशन आह्वानविरुद्धको रिट निवेदन न्यायाधीश भट्टराईको इजलासमा

बुधबार, साउन २७, २०७८ बागेश्वरी पोस्ट

नेपालगन्ज । लुम्बिनी प्रदेशको विशेष अधिवेशन रोक्न माग गर्दै दर्ता भएको रिटको सुनुवाई न्यायाधीश आनन्द मोहन भट्टराईको इजलासमा परेको छ । लुम्बिनी प्रदेशसभाको विशेष अधिवेशन रोक्न माग गर्दै नेकपा एमालेका सांसदले सर्वोच्च अदालतमा रिट दायर गरेका थिए ।

मुख्यमन्त्री पोखरेलविरुद्ध दर्ता भएको अविश्वासको प्रस्तावमाथि छलफल गर्न आजका लागि विशेष अधिवेशन बोलाइएपछि त्यसलाई रोक्न माग गर्दै एमाले सांसद लीला गिरीले सर्वोच्च अदालतमा रिट दायर गरेका थिए ।

उनले मुख्यमन्त्री पोखरेलविरुद्ध अहिले नै अविश्वासको प्रस्ताव ल्याउन नमिल्ने भन्दै अधिवेशन रोक्न माग गरेका छन् ।

उनले संसद्को कार्यव्यवस्था परामर्श समितिको बैठक नै नबोलाई र विशेष अधिवेशनका सम्बन्धमा दलहरूसँग परामर्श नै नगरी अघि बढ्ने प्रयत्न गरिएकोमा आफूहरूको आपत्ति रहेको बताए ।

न्यायाधीश भट्टराईको इजलासमा उक्त रिट निवेदन आठौँ नम्बरको पेसी सूचीमा छ । प्रदेशसभाको विशेष अधिवेशन आज सुरु हुँदैछ । दिउँसो १ बजे बस्ने प्रदेशसभा बैठकमा मुख्यमन्त्री शंकर पोखरेलविरुद्ध दायर भएको अविश्वास प्रस्तावमाथि छलफल हुनेछ ।

विपक्षी गठबन्धनका बहुमत सांसदहरुले नयाँ सरकार गठन गर्न माग गर्दै मुख्यमन्त्री शंकर पोखरेलविरुद्ध अविश्वास प्रस्ताव दर्ता गरेका थिए । सोही विषयमा छलफल गर्न लुम्बिनीको प्रदेशसभा बोलाइएको थियो ।

प्रकाशित मिति: बुधबार, साउन २७, २०७८ ११:२२

प्रतिक्रिया दिनुहोस्