सर्वोच्च अदालतको आदेश १२ बजेसम्म कुर्ने, प्रदेशसभा बैठक बहिस्कार गर्ने तयारी

राजनीति

गृहपृष्ठ
राजनीति
सर्वोच्च अदालतको आदेश १२ बजेसम्म कुर्ने, प्रदेशसभा बैठक बहिस्कार गर्ने तयारी

सर्वोच्च अदालतको आदेश १२ बजेसम्म कुर्ने, प्रदेशसभा बैठक बहिस्कार गर्ने तयारी

बुधबार, साउन २७, २०७८ बागेश्वरी पोस्ट

नेपालगन्ज । नेकपा एमाले लुम्बिनी प्रदेशले सर्वोच्च अदालतको निर्णय कुर्ने भएको छ । बुधबार बिहान बसेको एमाले संसदीय दलको बैठकले १२ बजेसम्म अदालतको आदेश कुर्ने निर्णय भएको प्रदेश सरकारका प्रवक्ता वैजनाथ चौधरीले जानकारी दिए । उनले त्यसपछि मुख्यमन्त्री शंकर पोखरेलले आवश्यक निर्णय गर्ने जानकारी दिए ।

एमाले सांसद भूमिश्वर ढकालले राजीनामाको विषयमा निर्णय गर्ने अधिकार मुख्यमन्त्री पोखरेललाई दिएको जानकारी दिए । उनले आजको बैठकले प्रदेशसभाभित्रका सबै गतिविधिलाई सहमतिमा अगाडि बढाउने सन्दर्भमा कार्यव्यवस्था तथा परमर्श समितिको बैठक नराखेर सभामुख पूर्ण बहादुर घर्तीले नियम कानून लत्याउने काम गरेको बताए ।

उनले सभामुखले एकलौटी रुपमा प्रदेशसभामा सञ्चालन गर्दा सहमति र सहकार्यमा सञ्चालन नगरेको भन्दै संसदीय दलको बैठकले आपत्ति जनाएको बताए ।

उनले प्रदेशसभाको बैठक अधिवेशन बहिस्कार गर्ने संकेत गरेका छन् । सांसद ढकालले प्रदेश प्रमुखले गैर संवैधानिक कार्य गरेकोले आफुहरुले सहयोग गर्नैपर्छ र सदनमै बस्न पर्छ भन्ने नभएको बताए ।

‘प्रदेश प्रमुखले गैर संवैधानिक कार्य गरेकोले आफुहरुले सहयोग गर्नैपर्छ र सदनमै बस्न पर्छ भन्ने छैन,’ ढकालले भने ।

बैठकमा प्रदेश प्रमुखबाट संविधानमा नभएको विषयलाई अगाडि बढाएर धारा १६७(१) अनुसार बनेको सरकारविरुद्ध अविश्वासको प्रस्ताव गरेको भन्दै ध्यानाकर्षण गराएको छ ।

प्रकाशित मिति: बुधबार, साउन २७, २०७८ ११:३५

प्रतिक्रिया दिनुहोस्