आज कोहलपुरमा रहेका सबै बिधालयहरु बन्द हुने

समाचार

गृहपृष्ठ
समाचार
आज कोहलपुरमा रहेका सबै बिधालयहरु बन्द हुने

आज कोहलपुरमा रहेका सबै बिधालयहरु बन्द हुने

सोमबार, मंसिर २३, २०७६ बागेश्वरी पोस्ट

कोहलपुर । आइतबार कोहलपुरमा भएको घटनाको बिरोधमा आज सोमबार कोहलपुरका सबै विद्यालयहरुलाई बन्दको आह्वान गरिएको छ ।

सडक दुर्घटनामा परी विद्यार्थी घाईते भएको विषयलाई आन्दोलनको रुप दिएर तोडफोड र क्षति भएको भन्दै अवस्था शान्तिपुर्ण बनाउनको लागि विद्यालयहरुको बन्द आह्वान गरिएको हो । क्रिशाका अध्यक्ष डाँगी, प्याब्सन कोहलपुरका अध्यक्ष यम रावत र नेपाल प्याब्सनका कोहलपुर अध्यक्ष बेग प्रकाश चन्दको संयुक्त हस्ताक्षरमा जारी गरिएको एक विज्ञप्तीमा सोमबार शैक्षिक संस्था बन्द गर्ने उल्लेख गरीएको छ ।

आईतबार स्थानिय त्रिभुवन उच्च माविमा अध्ययनरत छात्रालाई ट्रकले कुल्चीएको थियो । घटनालगत्तै आक्रोशित भएका विदार्थीहरुले कोहलपुरमा आन्दोलन गरेका थिए । आन्दोलनका क्रममा विद्यालय बोकेका सवारी साधनमा समेत तोडफोड गरीएको भन्दै विज्ञप्तीमार्फत गम्भीर ध्यानाकर्षण भएको उल्लेख गरिएको छ ।

आईतबारको घटनालाई मध्यनजर गर्दै सोमबार सम्पूर्ण शैक्षिक संस्था बन्द गर्ने निर्णय गरिएको क्रिशा बाँकेका अध्यक्ष शिव प्रसाद डाँगीले जानकारी दिए । दुर्घटनामा परेकी बालिकालाई आइतबारनै सेनाको हेलिकप्टरबाट काठमाडौं थप उपचारका लागी लगिसकिएको छ।

प्रकाशित मिति: सोमबार, मंसिर २३, २०७६ ०७:२०

प्रतिक्रिया दिनुहोस्