लुम्बिनीमा कांग्रेस र माओवादीले आलोपालो सरकार चलाउने

राजनीति

गृहपृष्ठ
राजनीति
लुम्बिनीमा कांग्रेस र माओवादीले आलोपालो सरकार चलाउने

लुम्बिनीमा कांग्रेस र माओवादीले आलोपालो सरकार चलाउने

बिहीबार, साउन २८, २०७८ बागेश्वरी पोस्ट

नेपालगन्ज । लुम्बिनी प्रदेशमा प्रदेश प्रमुख अमिख शेरचनले शंकर पोखरेलले मुख्यमन्त्री पदबाट राजिनामा दिएपछि आज दिउँसो तीन बजेसम्म सरकारको दाबी पेश गर्न आह्वान गरेका छन् ।

सरकार गठनका लागि आज विपक्षी गठबन्धनले दाबी पेस गर्दै छन्। विपक्षी गठबन्धनबाट प्रदेशसभाका ८० मध्ये ४२ सदस्यको समर्थनमा माओवादी केन्द्र संसदीय दलका नेता कुलप्रसाद केसीलाई मुख्यमन्त्री नियुक्तिका लागि दाबी पेश गर्दैछन्।

लुम्बिनी प्रदेशमा माओवादी केन्द्र र कांग्रेसको ८/८ महिना आलोपालो सरकारको नेतृत्व गर्ने सहमति भएको छ। माओवादीका केसीपछि बाँकी ८ महिना कांग्रेस संसदीय दलका नेता वीरेन्द्र कनौडियाले नेतृत्व गर्नेछन्। प्रदेश सरकारको अवधि १६ महिना बाँकी छ।

नेपाली कांग्रेस, माओवादी केन्द्र, जनता समाजवादी पार्टीसहितका दलको गठबन्धनले मुख्यमन्त्रीविरुद्ध दर्ता गराएको अविश्वास प्रस्तावमाथि छलफलका लागि बुधबार १ बजे प्रदेशसभाको विशेष अधिवेशन आह्वान गरिएकोमा विश्वासको मत प्राप्त नगर्ने निश्चित भएपछि पोखरेलले प्रदेशसभा बैठकअघि नै राजीनामा दिएका थिए।

प्रकाशित मिति: बिहीबार, साउन २८, २०७८ १०:०६

प्रतिक्रिया दिनुहोस्