मुख्यमन्त्रीका लागि कुलप्रसाद केसीको दाबी, ४२ सांसदको हस्ताक्षर

राजनीति

गृहपृष्ठ
राजनीति
मुख्यमन्त्रीका लागि कुलप्रसाद केसीको दाबी, ४२ सांसदको हस्ताक्षर

मुख्यमन्त्रीका लागि कुलप्रसाद केसीको दाबी, ४२ सांसदको हस्ताक्षर

बिहीबार, साउन २८, २०७८ बागेश्वरी पोस्ट

नेपालगन्ज । लुम्बिनी प्रदेशको नयाँ मुख्यमन्त्रीका लागि नेकपा माओवादी केन्द्रका प्रदेशसभा संसदीय दलका नेता कुलप्रसाद केसीले दाबी पेस गरेका छन् ।

माओवादी केन्द्र संसदीय दलका नेता कुलप्रसाद केसीलाई मुख्य मन्त्री बनाउन माग गर्दै ४ दलीय गठबन्धनका ४२ सांसदले प्रदेश प्रमुख अमिक शेरचनलाई हस्ताक्षर बुझाएका हुन्।

बुधबार अविश्वासको प्रस्तावमाथि छलफल हुनु अगाडि नै मुख्यमन्त्री शंकर पोखरेलले राजीनामा दिएपछि प्रदेश प्रमुखले नयाँ सरकार गठनका लागि आह्वान गरेका थिए। उनको पक्षमा नेकपा माओवादी केन्द्रका १९, नेपाली काँग्रेसका १८, जसपा नेपालका ३, राष्ट्रिय जनमोर्चाका एक र सूर्य चुनाव चिह्नबाट प्रदेशसभा सदस्यमा निर्वाचित अजय शाहीले हस्ताक्षर गरेका छन् ।

संविधानको धारा १६८ को उपधारा २ बमोजिम दुई वा दुईभन्दा बढी दलको बहुमत पुर्‍याएर नयाँ सरकार गठनका लागि दाबी पेश गर्न प्रदेश प्रमुख अमिक शेरचनले बुधबार २४ घण्टाको समय दिएर आह्वान गरेका थिए। प्रदेश प्रमुखले दिएको समयभित्रै गठबन्धनले केसीको नेतृत्वमा नयाँ सरकारका लागि दाबी पेश गरेको कांग्रेसका सांसद शंकर गिरीले जानकारी दिए।

प्रकाशित मिति: बिहीबार, साउन २८, २०७८ १२:१३

प्रतिक्रिया दिनुहोस्