कुलमान घिसिङको नियुक्तिविरुद्ध सर्वोच्चमा आज सुनुवाइ हुँदै

राजनीति

गृहपृष्ठ
राजनीति
कुलमान घिसिङको नियुक्तिविरुद्ध सर्वोच्चमा आज सुनुवाइ हुँदै

कुलमान घिसिङको नियुक्तिविरुद्ध सर्वोच्चमा आज सुनुवाइ हुँदै

बुधबार, भदौ २, २०७८ बागेश्वरी पोस्ट

नेपालगन्ज । विद्युत प्राधिकरणका कार्यकारी निर्देशक कुलमान घिसिङको नियुक्तिविरुद्ध सर्वोच्च अदालतमा परेको रिटविरुद्ध आज सुनुवाइ हुँदैछ ।

हितेन्द्रदेव शाक्यले आफूलाई हटाएर घिसिङलाई नियुक्त गरिएको भन्दै सर्वोच्चमा गत सोमबार रिट दायर गरेका थिए ।

शाक्यले सरकारको निर्णयलाई चुनौती दिँदै घिसिङको नियुक्ति निर्णय बदर हुनुपर्ने अन्तरिम आदेश माग गर्दै रिट दायर गरेका थिए । आफ्नो नियुक्ति चार वर्षका लागि भएको भन्दै सरकारले बिचमै हटाउन नसक्ने र आफूलाई अन्यत्र पद सिर्जना गरी नियुक्त गर्न नमिल्ने जिकिर शाक्यले गरेका थिए ।

घिसिङले यसअघिको कार्यकालमा विद्युतीय क्षेत्रमा ठूलो सफलता दिलाएका थिए । घिसिङले नै नेपाललाई लोडसेडिङमुक्त गराउन सफल भएका थिए । तर घिसिङ गएर शाक्य आएपछि भने विभिन्न स्थानमा अघोषित लोडसेडिङ हुँदै आएको थियो ।

शेरबहादुर देउवा नेतृत्वको सरकारले गत साउन २४ गतेको मन्त्रिपरिषद् बैठकबाट घिसिङलाई प्राधिकरणको कार्यकारी निर्देशकमा नियुक्त गर्ने निर्णय गरेको थियो । साउन २७ मा नियुक्तिपत्र बुझेलगत्तै घिसिङले सोही दिन पदवहाली गरेका थिए ।

प्रकाशित मिति: बुधबार, भदौ २, २०७८ ११:२०

प्रतिक्रिया दिनुहोस्