माधब नेपालको पार्टी दर्ताका लागि २९ सांसद र ५५ केन्द्रीय सदस्यले गरे हस्ताक्षर

राजनीति

गृहपृष्ठ
राजनीति
माधब नेपालको पार्टी दर्ताका लागि २९ सांसद र ५५ केन्द्रीय सदस्यले गरे हस्ताक्षर

माधब नेपालको पार्टी दर्ताका लागि २९ सांसद र ५५ केन्द्रीय सदस्यले गरे हस्ताक्षर

बुधबार, भदौ ९, २०७८ बागेश्वरी पोस्ट

नेपालगन्ज ।निर्वाचन आयोगमा माधवकुमार नेपाल नेतृत्वको ‘नेकपा एकीकृत समाजवादी’दर्ताका लागि एमालेबाट अलगिएका २९ सांसद र ५५ केन्द्रीय सदस्यले हस्ताक्षर गरेका छन्।

आयोगले प्रस्तावित दलका पदाधिकारी र केन्द्रीय सदस्यहरुको हेड काउन्ट गर्दै सनाखतका लागि बुधबार आयोगको कार्यालयमा बोलाएको थियो । टुरिष्ट बस चढेर परिचय पत्रसहित नेता नेपालसहित २९ सांसद र ५५ केन्द्रीय सदस्य आयोग पुगेका थिए ।

उता भारतमा उपचार गराइरहेका नेकपा (एकीकृत समाजवादी) का वरिष्ठ नेता झलनाथ खनालले पनि दूतावासमार्फत नयाँ दल दर्ताका लागि निर्वाचन आयोगमा सनाखत गरेका छन् ।

एकिकृत समाजवादीले ३१ सांसद र ६५ केन्द्रीय सदस्य उपस्थित हुने दाबी गरेको थियो। एमालेबाट फुटेर नयाँ दल बनाएका उनीहरुलाई आयोगले सनाखतका लागि बिहान ११ देखि २ बजेसम्मको समय दिएको थियो ।

प्रकाशित मिति: बुधबार, भदौ ९, २०७८ १४:२४

प्रतिक्रिया दिनुहोस्