क्रियाशील सदस्यहरुले सुझबुझपूर्ण निर्णय लिनुहुनेछः गिरी

राजनीति

गृहपृष्ठ
राजनीति
क्रियाशील सदस्यहरुले सुझबुझपूर्ण निर्णय लिनुहुनेछः गिरी

क्रियाशील सदस्यहरुले सुझबुझपूर्ण निर्णय लिनुहुनेछः गिरी

शुक्रबार, भदौ १८, २०७८ बागेश्वरी पोस्ट

नेपालगन्ज । पूर्व मन्त्री एवम् नेपाली कांग्रेसका केन्द्रिय सदस्य दीपक गिरीले क्रियाशील सदस्यहरुले सुझबुझपूर्ण निर्णय लिने विश्वास व्यक्त गर्नुभएको छ ।

आजदेखि शुरु भएको नेपाली कांग्रेसको १४औं महाधिवेशन अन्तर्गत् वडा अधिवेशनको सफलताको शुभकामना व्यक्त गर्दै गिरीले वडा तहदेखि नै पार्टी भित्रको आन्तरिक प्रतिष्पर्धालाई मित्रवत्, स्वच्छ, आपसी एकता र विश्वासमा आधारित बनाउने गरी वडा अधिवेशन सम्पन्न गर्न आग्रह गर्नुभएको छ ।

नेपाली कांग्रेसको आगामी गति र परिचालनले देश र जनताको भविष्य कोर्नुपर्ने भएकाले सके सर्वसम्मत नभए मित्रवत् प्रतिष्पर्धा मार्फत् आन्तरिक लोकतन्त्रलाई बलियो बनाउनुपर्नेमा पूर्व मन्त्री गिरीले जोड दिनुभएको छ । "वडा तहदेखि अधिवेशनको प्रक्रिया सुभारम्भ भएर केन्द्रिय महाधिवेशनसम्म एउटा आकर्षक संगठन निर्माण गर्ने लक्ष्यका साथ आजबाट वडा अधिवेशन हुँदैछ । पार्टी, लोकतन्त्र र सिंगो राष्ट्रको भविष्य निर्माणको जगमा उभिएका तमाम क्रियायाशील साथीहरूको सुझबुझपूर्ण निणर्यप्रति म पूर्ण विश्वस्त छु," उहाँले भन्नुभएको छ ।

प्रकाशित मिति: शुक्रबार, भदौ १८, २०७८ १२:२३

प्रतिक्रिया दिनुहोस्