एमसीसी उपाध्यक्ष सुमार आज नेपाल आउँदै

राजनीति

गृहपृष्ठ
राजनीति
एमसीसी उपाध्यक्ष सुमार आज नेपाल आउँदै

एमसीसी उपाध्यक्ष सुमार आज नेपाल आउँदै

बिहीबार, भदौ २४, २०७८ बागेश्वरी पोस्ट

नेपालगन्ज । एमसीसीकी उपाध्यक्ष फतिमा सुमार आज नेपाल आउन लागेकी छिन् ।अमेरिकी सहयोग नियोग मिलेनियम च्यालेन्ज कर्पोरेसन (एमसीसी) परियोजना कार्यान्वयन भएका देशहरुमा वार्षिक रुपमा कार्यान्वयनको अवस्था बुझ्ने क्रममा उनी आज कतार हुँदै नेपाल आउन लागेकी हुन् ।नेपालमा एमसीसी परियोजना स्वीकार गर्ने कि नगर्ने भन्ने बहस भइरहेको बेला हुन लागेको यो भ्रमणलाई चासोका साथ हेरिएको छ ।

उनको चारदिने नेपाल बसाइँको क्रममा एमसीसी परियोजना कार्यान्वयनको अवस्थाबारे प्रधानमन्त्री शेरबहादुर देउवा, अर्थमन्त्री जनार्दन शर्मालगायत विभिन्न राजनीतिक दलका शीर्ष नेताहरुसँग भेटघाट गर्ने कार्यक्रम छ ।

सन् २०१९ मा नै कार्यान्वयनमा आउनुपर्ने एमसीसी परियोजना नेपालमा राजनीतिक खिचातानीका कारण अझै अगाडि बढ्न सकेको छैन ।
एमसीसी पारितको बिरोधमा उत्रिएकाहरुले उनको आगमनसगै प्रदर्शन गर्न सक्ने भन्दै काठमाडौंको सुरक्षा ब्यबस्थालाई कडा पारिएको छ। काठमाडौंका धेरैजसो स्थानहरुमा ठुलो संख्यामा सुरक्षाकर्मी परिचालन गरिएको छ।

प्रकाशित मिति: बिहीबार, भदौ २४, २०७८ ०९:२३

प्रतिक्रिया दिनुहोस्