एमसिसी नेपालको आर्थिक विकासमा मात्रै सम्बन्धित हुनुपर्दछ: नेता नेपाल

राजनीति

गृहपृष्ठ
राजनीति
एमसिसी नेपालको आर्थिक विकासमा मात्रै सम्बन्धित हुनुपर्दछ: नेता नेपाल

एमसिसी नेपालको आर्थिक विकासमा मात्रै सम्बन्धित हुनुपर्दछ: नेता नेपाल

शनिबार, भदौ २६, २०७८ बागेश्वरी पोस्ट

नेपालगन्ज । नेकपा (एकीकृत समाजवादी) का अध्यक्ष एबम पूर्व प्रधानमन्त्री माधवकुमार नेपालले युवा संघ नेपाल लुम्विनी प्रदेश स्तरीय भेला र पिपुल्स भोलिन्टियर्स घोषणा कार्यक्रमलाई आज नेपालगञ्जमा सम्बोधन गर्दै एमसिसी परिमार्जन सहित अनुमोदन हुनुपर्ने बताउनुभएको छ । साथै नेता नेपालले एमसिसी नेपालको आर्थिक विकासमा मात्रै सम्बन्धित हुनुपर्नेमा आफूहरुको चासो रहेको बताउनुभयो । अध्यक्ष नेपालले पार्टी एकताका नाममा गरिएको १० बुँदे सहमतिलाई जालझेलको संज्ञा दिनुभयो ।

सर्वोच्च अदालतको जेठ २८ को फैसला अनुसार कारवाहीको औचित्य सकिएको भन्दै उहाँले संसदमा नाटक प्रदर्शन भइरहेको टिप्पणी गर्नुभयो । न्यालयदेखि संवैधानिक निकाय र नेतृत्वमाथि मानमर्दन भइरहेको भन्दै अध्यक्ष नेपालले यसले गलत संस्कारको विकास गरेको बताउनुभयो ।युवा संघका केन्द्रिय सचिव तथा लुम्विनी प्रदेश अध्यक्ष किशोर थापाको अध्यक्षतामा भएको कार्यक्रममा सुदुरपश्चिम प्रदेशका भौतिक पूर्वाधार विकास मन्त्री दीर्घ सोडारी, युवा संघका केन्द्रिय अध्यक्ष नरेश शाही, एकीकृत समाजवादीका केन्द्रिय सदस्य दलवहादुर सुनार, कौशिला सिंह, रुपन्देही अध्यक्ष राजु गुरुङ, युवा संघका महासचिव दीपक जिएम, उपमहासचिव सरिता श्रीष, युवा संघ बाँकेका अध्यक्ष कुश्माखर बस्याल लगायतले शुभकामना मन्तव्य राख्नुभएको थियो ।

प्रकाशित मिति: शनिबार, भदौ २६, २०७८ १६:४७

प्रतिक्रिया दिनुहोस्