पौडेल पक्षको छुट्टै भेला केन्द्रीय कार्यालयमा बस्दै

राजनीति

गृहपृष्ठ
राजनीति
पौडेल पक्षको छुट्टै भेला केन्द्रीय कार्यालयमा बस्दै

पौडेल पक्षको छुट्टै भेला केन्द्रीय कार्यालयमा बस्दै

सोमबार, भदौ २८, २०७८ बागेश्वरी पोस्ट

नेपालगन्ज । कांग्रेसका वरिष्ठ नेता रामचन्द्र पौडेल पक्षको छुट्टै भेला आज बस्दै छ। आज दिउँसो पार्टी केन्द्रीय कार्यालयमा पौडेल पक्षको भेला हुने बताइएको छ। बैठकमा पौडेल पक्षमा रहेका शीर्ष नेताहरू उपस्थित हुनेछन्।

प्रधानमन्त्रीसहित सभापति रहेका शेरबहादुर देउवाको गृहजिल्लामा क्रियाशील सदस्यता विवादबीच नै प्रहरी, प्रशासनको दुरुपयोग गरी वडा अधिवेशन गरिएकोमा पौडेल पक्षले विरोध गरेको छ। यस्तो प्रवृत्तिले १४ औं महाधिवेशन निष्पक्ष हुनेमा शंका देखिएकोले सभापति देउवालाई खबरदारी गर्न भेला बोलाइएको एक नेताले बताए।

प्रदेश नम्बर २ का ८ जिल्लासहित विभिन्न जिल्ला गरी कूल २१ जिल्लामा कांग्रेस क्रियाशील सदस्यता विवाद कायमै छ। भदौ १८ मा गर्ने भनेको वडा अधिवेशन असोज ५ सम्म धकेलिएको छ। अझै विवादित जिल्लाका क्रियाशील सदस्यको नामावली पार्टी वेबसाइटमा राखिएको छैन।

कांग्रेसले ५६ जिल्लाका विभिन्न वडाहरूमा भने यसअघि नै अधिवेशन गरिसकेको छ। कांग्रेसले वडा अधिवेशन सक्न ढिलाइ गर्दा गाउँनगर अधिवेशन प्रभावित भएको छ। भदौ २७ मा हुने तय गरिएको गाउँनगर अधिवेशन असोज ९ गतेलाई सारिएको छ।

प्रकाशित मिति: सोमबार, भदौ २८, २०७८ १०:१५

प्रतिक्रिया दिनुहोस्