बाँके निकुञ्ज क्षेत्रमा रातको समयमा यात्रा गर्न रोक

समाचार

गृहपृष्ठ
समाचार
बाँके निकुञ्ज क्षेत्रमा रातको समयमा यात्रा गर्न रोक

बाँके निकुञ्ज क्षेत्रमा रातको समयमा यात्रा गर्न रोक

मंगलबार, भदौ २९, २०७८ बागेश्वरी पोस्ट

नेपालगन्ज । बाघको चहलपहल बढेपछि बाँके राष्ट्रिय निकुञ्ज क्षेत्रमा रातको समयमा पैदल, साइकल र मोटरसाइकलमा यात्रा गर्न रोक लगाइएको छ ।

पूर्व पश्चिम राजमार्ग अन्तर्गत् निकुञ्जको कोहलपुर-शिवखोला सडकखण्डमा अर्को सूचना जारी नहुँदासम्म साँझ ७ बजेदेखि विहान ६ बजेसम्म पैदल, साइकल र मोटरसाइकलमा यात्रा गर्न बन्द गरिएको बाँके प्रशासनले जनाएको छ । अन्य समयमा पनि निकुञ्जद्वारा तय गरिएको व्यवस्था अनुसार सुरक्षित यात्रा गर्न भनिएको छ ।

केही दिन यता निकुञ्जको सिक्टा-कुसुम सडकखण्डमा पाटेबाघको चहलपहल बढिरहेकाले सुरक्षित साथ बस्न प्रशासनले आग्रह गरेको छ । बाघ बस्तीमा पस्न सक्ने र आक्रमण गर्ने जोखिम रहेकाले आम नागरिकको सुरक्षाका लागि निकुञ्जमा तैनाथ अर्जुनबाण गणका सुरक्षाकर्मी, नेपाल प्रहरी र हात्ती सहितको प्राविधिक टोलीबाट नियमितरुपमा पाटेबाघको निगरानी गरिँदै आएको सहायक प्रमुख जिल्ला अधिकारी शंकर बहादुर बिष्टले बताउनुभयो ।

प्रकाशित मिति: मंगलबार, भदौ २९, २०७८ ०८:३२

प्रतिक्रिया दिनुहोस्