१३ जिल्लाका कांग्रेस क्रियाशील सदस्यताको नाम अझै टुंगो लागेन

राजनीति

गृहपृष्ठ
राजनीति
१३ जिल्लाका कांग्रेस क्रियाशील सदस्यताको नाम अझै टुंगो लागेन

१३ जिल्लाका कांग्रेस क्रियाशील सदस्यताको नाम अझै टुंगो लागेन

शुक्रबार, असोज १, २०७८ बागेश्वरी पोस्ट

नेपालगन्ज । नेपाली काँग्रेसको १४ महाधिवेशन १८ भदौबाट नै सुरु भइसकेको छ। ५७ जिल्लामा वडा अधिवेशन सम्पन्न भइसकेको छ । डडेलधुरामा वडा अधिवेशन भए पनि विवादित छ । अधिवेशन हुन बाँकी अन्य २० जिल्ला मध्ये ७ जिल्लाको क्रियाशील सदस्यता सार्वजनिक भइसकेको छ । बाँकी १३ जिल्लाको सार्वजनिक कहिले हुने अझै टुङ्गो छैन । प्रदेश २ का आठ वटै जिल्लामा वडा अधिवेशन बाँकी छ । त्यसबाहेक अन्य पाँच जिल्लामा पनि अधिवेशन बाँकी रहेको हो ।

काँग्रेसले पछिल्लो पटक कार्यतालिका संशोधन गर्दै वडा अधिवेशन गर्न बाँकी जिल्लामा ५ भदौमा अधिवेशन तोकेको छ । सो मिति आउन अब चार दिन मात्रै बाँकी छ । काँग्रेसले पछिल्लो पटक काठमाडौं सहितका ७ जिल्लाको सदस्यता सार्वजनिक गरेको थियो ।

क्रियाशील सदस्यता विवाद समाधानका लागि काँग्रेसले बनाएको कार्यदलले भने सदस्यता सहित महाधिवेशनका केही जटिलताका विषयमा पार्टी सभापति शेरबहादुर देउवालाई आजै भेट्दै छ । कार्यदलका सदस्य डा। मिनेन्द्र रिजालले क्रियाशील सदस्यताका विषयमा देखिएका जटिलताका विषयमा पार्टी सभापतिलाई भेटेर जानकारी गराइने र त्यसका लागि समय माग गरिएको बताए ।

‘धेरै जसो जिल्लाका सदस्यता टुङ्गिएका छन्, केही बाँकी छन्, बाँकीको जटिलताका विषयमा कार्यदलले सभापतिलाई भेट्दैछौं, जटिलता फुक्छ भन्ने आस गरौँ,’ कार्यदलका सदस्य नेता रिजालले हाम्रा भने ।

कार्यदलले आजै भेट गर्ने गरी सभापति देउवासँग समय मागेको हो । कार्यदलले सभापतिसहित वरिष्ठ नेता रामचन्द्र पौडेल, काँग्रेसका महामन्त्री डा। शशाङ्क कोइराला र पूर्णबहादुर खड्कालाई एक ठाउँ राखेर बाँकी विषयमा समाधान खोज्न लागेको हो ।

कङ्ग्रेसले पूर्व महामन्त्री कृष्ण सिटौलाको नेतृत्वका सदस्यताको विवाद समाधान गर्न कार्यदल बनाएको थियो । सो कार्यदलमा नेता रमेश लेखकसमेत सदस्य छन् । कार्यदलका तीनै नेताले पार्टी नेतृत्वसँग भेट्न लागेको हो ।

अहिले प्रदेश २ का धेरैजसो जिल्लामा समायोजन भई आएका सदस्यताका नाममा विवाद छ । सोही कारण प्रदेश २ कै अन्य केही जिल्लाको सदस्यतासमेत सार्वजनिक हुन सकेको छैन । यसै गरी बाँके, डोल्पा, रसुवा, कैलाली र सुर्खेतको पनि सदस्यता टुङ्गिन बाँकी छ ।

गत बुधवार काँग्रेसको केन्द्रीय निर्वाचन समितिले काठमाडौँ, मोरङ, काभ्रे, सिन्धुपाल्चोक, कपिलवस्तु, बर्दिया र बाजुराको क्रियाशील सदस्यता सूची सार्वजनिक गरेको थियो ।

प्रकाशित मिति: शुक्रबार, असोज १, २०७८ १५:२४

प्रतिक्रिया दिनुहोस्