अवलोकनमा गएका मेयरलाई मुक्का प्रहार

समाचार

गृहपृष्ठ
समाचार
अवलोकनमा गएका मेयरलाई मुक्का प्रहार

अवलोकनमा गएका मेयरलाई मुक्का प्रहार

सोमबार, असोज ४, २०७८ बागेश्वरी पोस्ट

नेपालगन्ज । पहिरो खसेको स्थानमा अवलोकन गर्न पुगेका एक जना मेयरमथी मुक्का प्रहार भएको छ। पहिरोको अवलोकन गर्न पुगेका बुटवल उपमहानगरपालिकाका मेयर शिवराज सुवेदीमाथि मुक्का प्रहरी भएको हो ।

बुटवल उपमहानगरपालिका वडा नम्बर ३ ज्योतिनगरमा गएको पहिरोको अवलोकन गर्न पुगेका मेयर सुवेदी माथि आक्रोशमा आएर एक जना स्थानीय युवाले मुक्का प्रहार गरेका थिए।

पहिरो गएको एक महिनासम्म पनि सरकारले विस्थापितलाई बेवास्ता गरेको भन्दै आक्रोशित बनेका स्थानीय युवाले आज बिहान पहिरो अवलोकनको लागि पुगेका सुवेदी माथि एक्कासी आक्रमण गरेका थिए। आक्रमण गर्दा नगर प्रहरीले मेयरलाई जोगाएर लगेका थिए। मेयरले मुक्का खाईसकेपछि अवलोकन कार्यक्रम स्थगित भएको थियो।

उक्त स्थानमा गत भदौ १३ गते बिहान पहिरो जाँदा झन्डै एक दर्जन घर पहिरोले पुरिएका थिए भने ५० भन्दा बढी घरपरिवार विस्थापित भएका छन्। लामो समयसम्म सरकारी निकायबाट केही वेवास्था नगरेका कारण मेयरमाथी ती युवा जाइलागेका थिए।

प्रकाशित मिति: सोमबार, असोज ४, २०७८ १५:१०

प्रतिक्रिया दिनुहोस्