सरकारबाट बाहिरिँदा संगठन विस्तार गर्ने अवसर पाएका छौंः ओली

राजनीति

गृहपृष्ठ
राजनीति
सरकारबाट बाहिरिँदा संगठन विस्तार गर्ने अवसर पाएका छौंः ओली

सरकारबाट बाहिरिँदा संगठन विस्तार गर्ने अवसर पाएका छौंः ओली

बुधबार, असोज ६, २०७८ बागेश्वरी पोस्ट

फाइल तस्बीर

नेपालगञ्ज । पूर्व प्रधानमन्त्री एवम् नेकपा एमालेका अध्यक्ष केपी शर्मा ओलीले अप्ठ्यारो परेको बेलामा पार्टी र आन्दोलनलाई जोगाएको भन्दै कार्यकर्तालाई धन्यवाद दिएका छन् ।

बाँकेको नेपालगञ्जमा आयोजित बृहत् कार्यकर्ता भेलालाई सम्बोधन गर्दै ओलीले भने-"पार्टीलाई कमजोर पार्ने षड्यन्त्रलाई चिर्दै तपाईंहरुले अप्ठ्यारो परेको बेला आन्दोलनलाई अझ बढी सशक्त बनाउनुभएको छ, तपाईंहरुलाई धन्यवाद भन्न चाहन्छु," आफ्नो भाषणको सुरुमै उनले भने-"पार्टीभित्रै बसेर पार्टीलाई सिध्याउने, कमजोर पार्नेका पछि तपाईंहरु लाग्नुभएन, झुक्याउन खोजे पनि तपाईंहरु झुक्किनुभएन, तपाईंहरुले नेकपा एमालेलाई अझ बलियो बनाउनुभएको छ ।"

उनले अगाडि भने-"केही मानिसहरु एमाले सत्ताबाट प्रतिपक्षमा पुग्यो भनेर दंग परेका छन्, तर एमाले जनादेशबाट प्रतिपक्षमा पुगेको होइन, न त गठबन्धन भनिएकाहरु जनादेशबाट सत्तामा पुगेका हुन्...त्यो त परमादेशबाट हो ।" ओलीले सरकारबाट बाहिर आउँदा एमालेले संगठन बनाउने र विस्तार गर्ने अवसर पाएको बताए ।

उनले अहिले भेलालाई सम्बोधन गरिरहेका छन् । उनले यसअघि बर्दियामा पनि कार्यकर्ता भेलालाई सम्बोधन गरेका थिए ।

प्रकाशित मिति: बुधबार, असोज ६, २०७८ १६:१३

प्रतिक्रिया दिनुहोस्