कांग्रेस बबई सभापतिमा प्रकाश बस्नेत निर्वाचित

राजनीति

गृहपृष्ठ
राजनीति
कांग्रेस बबई सभापतिमा प्रकाश बस्नेत निर्वाचित

कांग्रेस बबई सभापतिमा प्रकाश बस्नेत निर्वाचित

शनिबार, असोज ९, २०७८ बागेश्वरी पोस्ट

नवनिर्वाचित सभापति प्रकाश बस्नेत

दाङ । जिल्लाको सबैभन्दा पश्चिममा रहेको बबई गाउँपालिकाको नेपाली कांग्रेस सभापतिमा प्रकाश बस्नेत विजयी भएका छन् ।

आज भएको पालिका अधिबेशनमा बस्नेत ६५ मतका साथ विजयी भएका हुन् । उनका प्रतिद्वन्दी पर्साराम भुषालले ५० मत पाए । बबईमा दुई वटा प्यानल प्रतिष्पर्धामा उत्रेका थिए । उपसभापति, सचिव, सहसचिवसहित सबै पदमा बस्नेतकै प्यानल विजयी भएको छ । जम्मा ११९ मतमा ११८ मत खसेकोमा ३ मत भने बदर भएको नेपाली कांग्रेस बबई गाउँपालिका वडा नम्बर ५ का सभापति युवराज कँडेलले जानकारी दिए ।

बबई प्रतिनिधिसभा निर्वाचन क्षेत्र नम्बर ३ मा पर्छ । यो कांग्रेस केन्द्रिय सदस्य तथा पूर्व सिंचाई मन्त्री दीपक गिरीको निर्वाचन क्षेत्र हो । नवनिर्वाचित सभापति बस्नेतको प्यानललाई गिरीको समर्थन थियो । भुषालको प्यानललाई भने पूर्व सांसद गेहेन्द्र गिरीको समर्थन थियो ।

यसअघि हिजो निर्विरोध निर्वाचित भएका पूर्व मन्त्री गिरीकै निर्वाचन क्षेत्रको शान्तिनगर गाउँपालिकाका सभापति झलक केसी पनि उनी निकट नै हुन् । क्षेत्र नम्बर ३ का तुलसीपुर उपमहानगरपालिका र दंगीशरण गाउँपालिकामा पनि आज चुनाव भइरहेको छ । यहाँ पनि दीपक गिरी र गेहेन्द्र गिरीको समर्थनमा चुनावमा होमिएका दुई प्यानलकै प्रतिष्पर्धा छ ।

प्रकाशित मिति: शनिबार, असोज ९, २०७८ १६:२५

प्रतिक्रिया दिनुहोस्