कांग्रेस दंगीशरण सभापतिमा शम्भु गिरी

राजनीति

गृहपृष्ठ
राजनीति
कांग्रेस दंगीशरण सभापतिमा शम्भु गिरी

कांग्रेस दंगीशरण सभापतिमा शम्भु गिरी

शनिबार, असोज ९, २०७८ बागेश्वरी पोस्ट

नवनिर्वाचित सभापति शम्भु गिरी

दाङ । जिल्लाको दंगीशरण गाउँपालिकाको नेपाली कांग्रेस सभापतिमा शम्भु गिरी निर्वाचित भएका छन् ।

आज भएको पालिका अधिबेशनमा गिरी ७६ मतका साथ निर्वाचित भएका हुन् । उनका प्रतिद्वन्दी हर्क बहादुर बुढाथोकीले ४३ मत पाए । दंगीशरणमा दुई वटा प्यानल प्रतिष्पर्धामा उत्रेका थिए । उपसभापति, सचिव, सहसचिवसहित सबै पदमा गिरीकै प्यानल विजयी भएको छ । १२२ मतमा १२१ मत खसेको थियो ।

दंगीशरण प्रतिनिधिसभा निर्वाचन क्षेत्र नम्बर ३ मा पर्छ । यो कांग्रेस केन्द्रिय सदस्य तथा पूर्व सिंचाई मन्त्री दीपक गिरीको गृह पालिका समेत हो । नवनिर्वाचित सभापति गिरीलाई दीपक गिरीको समर्थन थियो । बुढाथोकीको प्यानललाई भने पूर्व सांसद गेहेन्द्र गिरीको समर्थन थियो ।

यसअघि आजै दिउँसो मतगणना सम्पन्न बबई गाउँपालिकामा पनि दीपक गिरीकै समर्थन रहेको प्रकाश बस्नेत नेतृत्वको प्यानल निर्वाचित भएको थियो । हिजो निर्विरोध निर्वाचित भएका पूर्व मन्त्री गिरीकै निर्वाचन क्षेत्रको शान्तिनगर गाउँपालिकाका सभापति झलक केसी पनि उनी निकट नै हुन् । क्षेत्र नम्बर ३ मा सबैभन्दा चासोका साथ हेरिएको तुलसीपुर उपमहानगरपालिकामा पनि दीपक गिरी र गेहेन्द्र गिरीको समर्थनमा चुनावमा होमिएका दुई प्यानलकै प्रतिष्पर्धा छ । सभापतिमा सुरेश हमाल र अनिल कार्की प्रतिष्पर्धामा छन् ।

प्रकाशित मिति: शनिबार, असोज ९, २०७८ १८:२३

प्रतिक्रिया दिनुहोस्