बाँकेमा कांग्रेस क्रियाशील संख्या झण्डै १० हजार !

राजनीति

गृहपृष्ठ
राजनीति
बाँकेमा कांग्रेस क्रियाशील संख्या झण्डै १० हजार !

बाँकेमा कांग्रेस क्रियाशील संख्या झण्डै १० हजार !

क्रियाशील सदस्यता ११४ प्रतिशतले बृद्धि

आइतबार, असोज १०, २०७८ नवीन गिरी

नेपालगञ्ज । बाँकेमा क्रियाशील सदस्यता विवाद समाधान भएसंगै अधिवेशनको तापले माहोल तताउन थालेको छ । लामो रस्काकस्सीपछि शनिवार मात्रै बाँकेको क्रियाशील सदस्यता विवाद टुंगिएको हो । अधिवेशनमा मतदाताका रुपमा रहने क्रियाशील सदस्यता लिष्ट नै विवादमा परेपछि बाँकेको अधिवेशन अन्यौलमा परेको थियो । क्षेत्र नम्बर १ का केही वडाहरुमा चरम विवाद देखिएपछि विवाद मिलाउन निकै समय खर्चिनुपरेको हो । अब क्रियाशील सदस्यताको विवरण नेपाली कांग्रेसको वेबसाइटमा सार्वजनिक भएसंगै अधिवेशन गर्ने बाटो खुलेको छ । अब कांग्रेसको निर्वाचन समितिले नयाँ कार्यतालिका सार्वजनिक गरेपछि अधिवेशन प्रारम्भ हुनेछ । कांग्रेसले यसअघि नै सबै जिल्लामा दशैं अगावै वडा र पालिका अधिवेशन सम्पन्न गरिसक्ने निर्णय गरेकाले बाँकेमा पनि दशैं अगावै वडा र पालिका अधिवेशन सम्पन्न हुनेछ । बाँकेमा जम्मा ८१ वडा छन् । ८ वटा पालिका छन् ।

जिल्लामा सबैभन्दा बढी क्रियाशील नेपालगञ्ज उपमहानगरपालिकामा छन् । नेपालगञ्जमा क्रियाशील संख्या २४०१ पुगेको छ । सबैभन्दा बढी संख्या वडा नम्बर २ मा छ । यहाँ क्रियाशील सदस्यको संख्या २३५ पुगेको छ । सबैभन्दा कम वडा नम्बर २३ मा ५७ जना मात्रै छन् ।

बाँकेमा यस पटक क्रियाशील सदस्य संख्या शतप्रतिशत भन्दा बढीले बृद्धि भएर ९६७८ पुगेको छ । १३ औं महाधिवेशनमा क्रियाशील संख्या ४५२० थियो । नयाँ संख्या ५१५८ छ । जानकी गाउँपालिका बाहेक सबैमा शतप्रतिशत भन्दा बढीले क्रियाशील संख्या बृद्धि भएको छ । कांग्रेसले १४औं महाधिवेशनमा शतप्रतिशत सदस्यता संख्या बढाउने नीति लिएको थियो । त्यसै अनुसार बाँकेमा पनि त्यही अनुपातमा संख्या बढेको हो । यहाँ ११४ प्रतिशतले क्रियाशील सदस्यको संख्या बढेको छ ।

जिल्लामा सबैभन्दा बढी क्रियाशील नेपालगञ्ज उपमहानगरपालिकामा छन् । नेपालगञ्जमा क्रियाशील संख्या २४०१ पुगेको छ । यहाँका २३ वटा वडामा पुरानो क्रियाशील संख्या ११७५ रहेकोमा अहिले १२२६ जना नयाँ थपिएका छन् । सबैभन्दा बढी संख्या वडा नम्बर २ मा छ । यहाँ क्रियाशील सदस्यको संख्या २३५ पुगेको छ । सबैभन्दा कम वडा नम्बर २३ मा ५७ जना मात्रै छन् ।

सबैभन्दा कम क्रियाशील संख्या डुडुवामा छ । यहाँ ३३९ जना मात्रै छन् । डुडुवामा वडा नम्बर ३ मा सबैभन्दा बढी ७० जना छन् भने कम वडा नम्बर १ मा ४८ जना छन् । यहाँ सबै वडामा एउटै हाराहारीमा संख्या छ ।

दोस्रोमा कोहलपुरमा क्रियाशील संख्या २२७४ छ । १५ वटा वडा रहेको कोहलपुर नगरपालिकामा पुरानो संख्या १००९ हो भने नयाँ १२६५ जना छन् । यहाँ सबैभन्दा बढी संख्या वडा नम्बर १० मा छ । जहाँ ३८१ क्रियाशील छन् । सबैभन्दा कम वडा नम्बर १४ मा ६३ जना मात्रै छन् । त्यस्तै तेस्रो बढी संख्या राप्तीसोनारी गाउँपालिकामा छ । यहाँ १३२४ जना क्रियाशील सदस्य पुगेका छन् । पुरानो संख्या ६२७ हो भने नयाँ ६९७ थपिएका छन् । सबैभन्दा बढी संख्या वडा नम्बर १ मा छ । यहाँ २३१ जना क्रियाशील सदस्य छन् । सबैभन्दा कम वडा नम्बर ४ मा ५३ जना मात्रै छन् ।

खजुरा गाउँपालिकामा क्रियाशील संख्या १११५ पुगेको छ । पुरानो क्रियाशील संख्या ५३३ हो भने नयाँ ५८२ जना छन् । खजुरामा सबैभन्दा बढी वडा नम्बर ३ मा २६९ जना क्रियाशील सदस्य छन् भने कम वडा नम्बर ६ मा ५७ जना मात्रै छन् । बैजनाथमा क्रियाशील सदस्यता संख्या १०८० छ । यहाँ पुराना ४८५ जना र नयाँ ५९५ जना हुन् । बैजनाथ गाउँपालिकामा सबैभन्दा बढी वडा नम्बर ६ मा २८२ जना छन् । कम संख्या वडा नम्बर ५ मा ७८ जना छन् ।

आफ्नो पक्षमा क्षेत्रीय प्रतिनिधि बढाउन नेताहरुले आफ्नो स्वार्थ हेरेर क्रियाशील दिने संस्कार विकास भएकाले कांग्रेसमा क्रियाशील विवाद पेचिलो बन्ने गरेको छ ।

जानकी गाउँपालिकामा ७३० जना क्रियाशील सदस्य छन् । यसमा पुरानोको संख्या ३८७ छ भने नयाँ ३४३ छन् । यहाँ सबैभन्दा बढी संख्या वडा नम्बर ५ मा २२८ छन् । सबैभन्दा कम वडा नम्बर १ मा ५३ जना मात्रै छन् । त्यस्तै नरैनापुर गाउँपालिकामा ४१५ जना क्रियाशील छन् । यसमा १८१ पुराना र २३४ जना नयाँ छन् । नरैनापुरको वडा नम्बर ६ मा सबैभन्दा बढी ७८ जना र सबैभन्दा कम ३ नम्बर वडामा ६२ जना छन् । यहाँका ६ वटै वडामा लगभग एउटै हाराहारीमा क्रियाशील सदस्यता संख्या छ । सबैभन्दा कम क्रियाशील संख्या डुडुवामा छ । यहाँ ३३९ जना मात्रै छन् । डुडुवामा वडा नम्बर ३ मा सबैभन्दा बढी ७० जना छन् भने कम वडा नम्बर १ मा ४८ जना छन् । यहाँ पनि सबै वडामा एउटै हाराहारीमा संख्या छ ।

वडा अधिवेशनबाट वडा कार्यसमितिसहित क्षेत्रीय प्रतिनिधि छनौट हुने भएकाले वडा अधिवेशनमा क्रियाशीलको ठूलो भूमिका हुन्छ । अहिले संशोधित विधानमा नयाँ क्रियाशीललाई पनि क्षेत्रीय प्रतिनिधिका लागि बाटो खुला गरिएकाले नयाँ अनुहार धेरै आउने अवस्था छ । क्षेत्रीय प्रतिनिधिले नै पालिका, क्षेत्र र जिल्लाको नेतृत्व चयन गर्ने भएकाले यसमा धेरैको आकर्षण देखिन्छ । आफ्नो पक्षमा क्षेत्रीय प्रतिनिधि बढाउन नेताहरुले आफ्नो स्वार्थ हेरेर क्रियाशील दिने संस्कार विकास भएकाले कांग्रेसमा क्रियाशील विवाद पेचिलो बन्ने गरेको छ ।

प्रकाशित मिति: आइतबार, असोज १०, २०७८ १३:२१

प्रतिक्रिया दिनुहोस्