बर्दियामा व्यवसायिक फर्ममा पसेर बाघले २१ बाख्रा मार्‍यो

समाचार

गृहपृष्ठ
समाचार
बर्दियामा व्यवसायिक फर्ममा पसेर बाघले २१ बाख्रा मार्‍यो

बर्दियामा व्यवसायिक फर्ममा पसेर बाघले २१ बाख्रा मार्‍यो

सोमबार, असोज ११, २०७८ बागेश्वरी पोस्ट

नेपालगञ्ज । बर्दियाको गुलरिया नगरपालिका–५ सन्तोषी टोलमा व्यवसायिक फर्ममा पसेर बाघले २१ बाख्रा मारेको छ ।

व्यवसायी चन्द्रकान्त पौडेलको फर्ममा आइतबार राति १० बजेदेखि सोमबार बिहान ५ बजेको बीचमा खोरमा पसेर बाघले ७ खसी, ७ वटा माउ बाख्रा र ६ वटा साना पाठापाठी मारेको हो । २१ मध्ये ७ वटा खसी दशैंमा बेच्न ठिक्क पारिएको पौडेलको भनार्इ छ ।

वस्ती भन्दा थोरै पर रहेको यो खोरमा भएको घटनामा एउटा सानो पाठो जीवित भेटिएको छ भने एउटा बाख्रा हराइरहेको फर्म सञ्चालक पौडेलले बताए । 'बेलुका खोरमा थुनेर गएका २३ मध्ये २१ वटा बाख्रा मृत फेला परेको छ, एउटा बाघले लगेको रहेछ’ पौडेलले भने । एउटा सानो बच्चो भने खोरबाट तल खसेका कारण जीवितै फेला परेको उनले बताए ।

खोरमा भएका मध्ये एउटा बाख्राको पछाडिको भाग खाएको र बाँकि सबैको घाँटीबाट रगत चुसेको पाइएको पौडेलले बताए ।
वनका कर्मचारीहरुको रोहबरमा मृत बाख्रालाई गाड्न लागिएको उनले बताए । अनलाइनखबर

प्रकाशित मिति: सोमबार, असोज ११, २०७८ १२:४३

प्रतिक्रिया दिनुहोस्