थप तीन जिल्लाका क्रियाशील सदस्यको नाम सार्बजनिक

राजनीति

गृहपृष्ठ
राजनीति
थप तीन जिल्लाका क्रियाशील सदस्यको नाम सार्बजनिक

थप तीन जिल्लाका क्रियाशील सदस्यको नाम सार्बजनिक

बुधबार, असोज १३, २०७८ बागेश्वरी पोस्ट

नेपालगन्ज । नेपाली कांग्रेसले थप तीन जिल्लाको क्रियाशील सदस्यताको अन्तिम नामावली सार्वजनिक गरेको छ । कांग्रेसले अब पाँच जिल्लाको मात्र क्रियाशील सदस्यता नामावली सार्वजनिक गर्न बाँकी छ ।

पार्टीले हिजो राति धनुषा, सर्लाही र कैलालीको क्रियाशील सदस्यताको अन्तिम नामावली सार्वजनिक गरेको केन्द्रीय निर्वाचन समितिका संयोजक महादेवप्रसाद यादवले जानकारी दिए । अब पर्सा, रसुवा, सप्तरी, रौतहट र बाराको क्रियाशीलताको टुंगो लाग्न बाँकी छ ।

कांग्रेसले यसअघि क्रियाशील सदस्यताको विवरण सार्वजनिक भएका जिल्लामा वडा अधिवेशन सम्पन्न गरी ती जिल्लामा गत शनिबारदेखि गाउँ र नगर अधिवेशन प्रारम्भ गरिसकेको छ ।

हालसम्म १२ जिल्लामा वडा अधिवेशन गर्न बाँकी रहेको र ती सबै जिल्लाको क्रियाशील सदस्यताको सूची प्राप्त हुनासाथ एकै दिन वडा अधिवेशन प्रारम्भ गरिने उनले बताए । करिब नौ लाखको सङ्ख्यामा रहेका कांग्रेस क्रियाशील सदस्य पार्टीको वडा अधिवेशनका मतदाता हुन् । क्रियाशील सदस्यले आफने वडाको वडासमिति र क्षेत्रीय प्रतिनिधि चयन गर्छन् ।

कांग्रेसले क्रियाशील सदस्यताको बाँकी विवाद चाँडै टुङ्ग्याएर दशैँ अघिसम्म सबै जिल्लामा पालिकास्तरको अधिवेशन सम्पन्न गर्ने र हिमाली जिल्लामा भने पूर्व निर्धारित कार्यतालिका अनुसार जिल्ला अधिवेशनसम्मका सबै अधिवेशन सम्पन्न गर्ने निर्णय गरेको छ ।

प्रकाशित मिति: बुधबार, असोज १३, २०७८ १२:४०

प्रतिक्रिया दिनुहोस्