दुर्गा प्रसाईंले भने-'साथ दिनुस् नेपालगञ्जमा सुविधासम्पन्न क्यान्सर अस्पताल बनाउँछु'

समाचार

गृहपृष्ठ
समाचार
दुर्गा प्रसाईंले भने-'साथ दिनुस् नेपालगञ्जमा सुविधासम्पन्न क्यान्सर अस्पताल बनाउँछु'

दुर्गा प्रसाईंले भने-'साथ दिनुस् नेपालगञ्जमा सुविधासम्पन्न क्यान्सर अस्पताल बनाउँछु'

शुक्रबार, असोज १५, २०७८ बागेश्वरी पोस्ट

नेपालगन्ज । मेडिकल सञ्चालक दुर्गा प्रसाईंले नेपालगञ्जका बसिन्दाले आफूलाई साथ दिए नेपालगञ्जमै अत्याधुनिक सुविधा सम्पन्न क्यान्सर अस्पताल खोल्ने बताएका छन् । अस्पताल खोलेर यहीँका बसिन्दाहरुलाई सेवा र रोजगार दिने प्रतिबद्ध उनले गरे । नेपालगञ्जमा आयोजित एक कार्यक्रममा उनले यस्तो बताएका हुन् । लुम्बिनी प्रदेशको नेपालगन्ज र कर्णाली प्रदेशको सुर्खेतमा स्वतन्त्र युवाहरुले आयोजना गरेको कार्यक्रमलाई प्रसाईंले सम्बोधन गरेका हुन् ।

'म जे गर्छु नेपाल र नेपालीका लागि गर्छु' भन्ने मूल नाराका साथ लगानीमैत्री वातावरण निर्माण र युवाहरूको सहभागिता बिषयक बृहत् नागरिक अन्तरक्रियामा बोल्दै प्रसाईंले आफू एउटा क्यान्सर पीडित भएकाले पनि यसतर्फ आफ्नो विशेष चासो रहेको बताए । क्यान्सरको उपचार पश्चात् नेपालकै अत्याधुनिक सुविधा सम्पन्न र सर्वसुलभ क्यान्सर अस्पताल आफूले खोलेको उनले बताए। उक्त हस्पिटलमा लुम्बिनी, कर्णाली र सुदुरपश्चिम प्रदेशका क्यान्सर बिरामीहरु धेरै जाने गरेको प्रसाईंले बताए । "झापा जाँदा धेरै खर्च लाग्छ, यहीँ आफ्नो ठाउँमा अस्पताल भएर तपाईंहरुलाई अझ सहज होला, उनले भने तपाईंहरुको साथ पाएँ भने म यहीँ एउटा क्यान्सर अस्पताल बनाउँछु ।" प्रसाईं पूर्वाञ्चल क्यान्सर हस्पिटल, वि एण्ड सी टिचिङ हस्पिटल विर्तामोड झापाका निर्देशक हुन् ।

उक्त कार्यक्रमका सभाध्यक्ष मोहित शाहका अनुसार, नेपालगन्जको बाटिका होटलमा स्वतन्त्र युवा बाँकेले गरेको कार्यक्रममा प्रसाईं आएका हुन् । उक्त कार्यक्रममा नेपालगञ्जका विभिन्न राजनीतिक दलका प्रतिनिधि, पत्रकार, उद्योगी, ब्यवसायी, डाक्टर र विभिन्न समाजसेवीहरुको समेत उपस्थिति रहेको थियो ।

प्रकाशित मिति: शुक्रबार, असोज १५, २०७८ १०:५१

प्रतिक्रिया दिनुहोस्