१९ बर्षीय रोहितको शव फेला, हत्या गरिएको परिवारको दाबी

समाचार

गृहपृष्ठ
समाचार
१९ बर्षीय रोहितको शव फेला, हत्या गरिएको परिवारको दाबी

१९ बर्षीय रोहितको शव फेला, हत्या गरिएको परिवारको दाबी

मंगलबार, असोज १९, २०७८ बागेश्वरी पोस्ट

नेपालगञ्ज । नेपालगञ्ज धम्बोझीस्थित गायत्री मन्दिर नजिकै एक जनाको शव फेला परेको छ । नेपालगञ्ज उपमहानगरपालिका वडा नम्बर १ धम्बोझीस्थित गायत्री मन्दिर नजिकै बर्दिया राजापुर घर भई लामो समयदेखि परिवारसहित नेपालगञ्ज वडा नम्बर १ धम्बोझीमा बस्दै आएका १९ बर्षीय रोहित थारुको शव फेला परेको हो ।

आज बिहान करिब ८ बजेकोे समयमा खेतमा शव देखिएपछि स्थानीयले प्रहरीलाई खबर गरेका थिए । प्रहरीले घटनाको अनुसन्धान सुरु गरेको जनाएको छ । बाँके प्रहरी प्रवक्ता प्रहरी नायब उपरिक्षक मधुसुदन न्यौपानेले घटनाको कारण खुल्न नसकेको बताए ।

मृतकको परिवारले भने रोहितको हत्या गरिएको दाबी गरेको छ । घरमा सुतिरहेको बेला राति रोहितलाई फोन गरेर बोलाइएको पारिवारको भनाई छ । प्रहरीले भने शबको प्रकृति हेर्दा हत्या नगरिएको जस्तो देखिएको बताएको छ ।

प्रकाशित मिति: मंगलबार, असोज १९, २०७८ १५:२९

प्रतिक्रिया दिनुहोस्