बाँकेले केन्द्र सरकारमा पायो दुई मन्त्री

राजनीति

गृहपृष्ठ
राजनीति
बाँकेले केन्द्र सरकारमा पायो दुई मन्त्री

बाँकेले केन्द्र सरकारमा पायो दुई मन्त्री

शुक्रबार, असोज २२, २०७८ बागेश्वरी पोस्ट

नेपालगञ्ज । बाँकेले केन्द्र सरकारमा दुई मन्त्री पाएको छ । प्रधानमन्त्री शेरबहादुर देउबा नेतृत्वको मन्त्रीपरिषद्मा महेश्वरजंग गहतराज 'अथक' र गजेन्द्र हमाल मन्त्री बनेका छन् ।

अथक युवा तथा खेलकुद मन्त्री र हमाल उद्योग बाणिज्य तथा आपूर्ति मन्त्री बनेका हुन् । अथक बाँके क्षेत्र नम्बर १ बाट निर्वाचित सांसद् हुन् भने हमाल गैरसांसद् हुन् । अथकलाई उनको पार्टी नेकपा माओवादी केन्द्रले मन्त्रीमा सिफारिस गरेको हो । हमाल कांग्रेसको भागमा परेको मन्त्रालयमा मन्त्री बनेपनि प्रधानन्यायाधिश चोलेन्द्र शमशेर राणाले उनलाई सिफारिस गरेको बताइएको छ ।

बाँके कांग्रेसका पुराना नेता हमाल पछिल्लो समय कांग्रेस राजनीतिमा त्यति सक्रिय थिएनन् । उनी २०६४ मा भएको पहिलो संविधानसभा निर्वाचनमा बाँके क्षेत्र नम्बर १ मा उम्मेदवार थिए । तर, उनले हारेका थिए ।

प्रकाशित मिति: शुक्रबार, असोज २२, २०७८ १६:४४

प्रतिक्रिया दिनुहोस्