आज बडादशैंको फूलपाती, आजदेखि सरकारी विदा

समाचार

गृहपृष्ठ
समाचार
आज बडादशैंको फूलपाती, आजदेखि सरकारी विदा

आज बडादशैंको फूलपाती, आजदेखि सरकारी विदा

मंगलबार, असोज २६, २०७८ बागेश्वरी पोस्ट

नेपालगन्ज । प्रत्येक वर्ष दुर्गा पक्ष अन्तर्गत् आश्विन शुक्ल सप्तमीका दिन मनाइने फूलपाती पर्व आज घरघरमा शास्त्रीय विधि अनुसार शुभ साइतको प्रतिक फूलपाती भित्राएर मनाइँदैछ ।

आश्विन शुक्ल प्रतिपदाका दिनमा वैदिक विधिपूर्वक घटस्थापना गरी जमरा राखेपछि शुरु हुने नेपालीहरुको महान् चाड बडादशैंको चहलपहल आजैका दिनदेखि अझै बढ्ने गर्दछ ।आजैका दिनदेखि सरकारी कार्यालय पनि बिदा हुने भएकाले विभिन्न पेशा र व्यवसायमा संलग्न मानिस सपरिवार बसेर दुर्गा भवानीको प्रसादका रूपमा टीका थाप्न आ–आफ्नो घर फर्कने क्रम अझ तीव्र भएको छ ।

घटस्थापनाका दिनदेखि वैदिक विधिपूर्वक दुर्गालाई आह्वान गरी पूजाआजा गरिएको दशैं घर अथवा पूजा कोठामा शुभ साइतको प्रतिकका रूपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्राउने प्रचलन छ । फूलपाती भित्राउन साइतको आवश्यकता पर्दैन ।

प्रकाशित मिति: मंगलबार, असोज २६, २०७८ ०७:४४

प्रतिक्रिया दिनुहोस्