नेपालगन्ज आइपुगे वन मन्त्री हमाल

राजनीति

गृहपृष्ठ
राजनीति
नेपालगन्ज आइपुगे वन मन्त्री हमाल

नेपालगन्ज आइपुगे वन मन्त्री हमाल

स्वागत ग्रहण गर्न भ्याइनभ्याई

सोमबार, कात्तिक १, २०७८ बागेश्वरी पोस्ट

नेपालगन्ज । लुम्बिनी प्रदेश सरकारका वन वातावरण तथा भू-संरक्षण मन्त्री सुरेन्द्र हमाल गृहनगर नेपालगन्ज आइपुगेका छन् ।

मन्त्री भएपछि पहिलोपटक गृहनगर आएका हमाललाई कांग्रेस नेता कार्यकर्ताले बाटोमा स्वागत गरेका थिए । उनी काठमाण्डौबाट स्थलमार्ग हुँदै नेपालगन्ज आइपुगेका हुन् । दाङको धानखोला, लमही, बाँकेको कुसुम, अगैया, शमशेरगंज, कोहलपुर, हवल्दारपुर लगायतका स्थानमा कांग्रेस नेता कार्यकर्ताले उनको स्वागत गरेका थिए । उनले कोहलपुर-७ लखनवास्थित मरिमाता मन्दिरमा पारिवारसहित पूजा गरेका थिए । नेपालगन्ज प्रवेश गर्नुअघि राँझामा नेपालगन्जबाट गएका नेता कार्यकर्ताले मन्त्री हमाललाई स्वागत गरेका थिए । राँझामा कांग्रेस युवा नेतृ नेपालगन्ज उपमहानगरपालिकाकी उपमेयर उमा थापा मगर लगायत अन्य नेता कार्यकर्ताले स्वागत गरेका हुन् । नेपालगन्ज आएपछि उनले बागेश्वरी मन्दिरमा पुगेर दर्शन गरेका थिए । उनी ४/५ दिन नेपालगन्जमा रहनेछन् ।

प्रदेश र संघमा बाँकेबाट निर्वाचित कांग्रेसका एक मात्र सांसद हमाल असोज २४ गते वन वातावरण तथा भू-संरक्षण मन्त्री नियुक्त भएका थिए । राजनीति र खेल जगतका अब्बल ब्यक्तित्व हमाल २०७४ मंसिरमा सम्पन्न प्रदेशसभा निर्वाचनमा बाँकेको क्षेत्र नम्बर २'ख' बाट निर्वाचित भएका थिए ।

प्रकाशित मिति: सोमबार, कात्तिक १, २०७८ १६:३४

प्रतिक्रिया दिनुहोस्