पहिरोबाट डोटी र हुम्लामा मात्रै १८ जनाको मृत्यु

समाचार

गृहपृष्ठ
समाचार
पहिरोबाट डोटी र हुम्लामा मात्रै १८ जनाको मृत्यु

पहिरोबाट डोटी र हुम्लामा मात्रै १८ जनाको मृत्यु

बुधबार, कात्तिक ३, २०७८ बागेश्वरी पोस्ट

नेपालगन्ज । गत आइतबार रातीदेखी परेको अविरल बर्षाका कारण गएको बाढी पहिरोबाट डोटी र हुम्ला जिल्लामा १८ जनाको मृत्यु भएको छ। डोटीमा मात्रै १२ जनाको मृत्यु भएको छ भने हुम्लामा पहिरोमा पुरिएर एकै परिवारका ६ जनाको मृत्यु भएको छ ।

डोटीको जोरायल गाउँपालिका वडा नं ४ मा पहिरोले घर भत्किदा एकै परिवारका ४ जनाक मृत्यु भएको जिल्ला प्रहरी कार्यालय डोटीले जानकारी दिएको छ। घर भत्किएर मृत्यु हुनेमा ४२ वर्षीय शेरबहादुर बिक, उनका १८ वर्षीय छोरा मोहन बिक १२ वर्षीया छोरी पबित्रा बिक र दशैंमा मामाघर आएका १६ वर्षीय भान्जा रविन बिकको मृत्यु भएको जिल्ला प्रहरी कार्यालय डोटीले जानकारी दिएको छ। त्यस्तै सोही गाउँपालिकामै पहिरोले पुरिएर ६२ वर्षीय जोगी सार्की, ६१ बर्षीया उनकी श्रीमती झुपरी सार्कीको पनि उपचारका क्रममा मृत्यु भएको प्रहरीले जानकारी दिएको छ । पहिरोम बोगटान फुड्सिल गाउँपालिका वडा नं ५ उपल्लागाउँकी चन्द्रा नेपाली, सायल गाउँपालिका ५ गुरेनाडमरीका ५५ वर्षीय हिरूवा विक र सायल गाउँपालिका १ का ७४ वर्षीय बिरे रोकायाको मृत्यु भएको प्रहरीले बताएको छ ।

त्यस्तै सोमावार रातिको पहिरोले सायल गाउँपालिका वडा नं ६ का १४ वर्षीय सागर कुन्जेडा र उनका ११ वर्षीय भाइ आशिषको मृत्यु भएको छ भने पहिरोले शिखर नगरपालिका ११ की ३६ वर्षीया मन्धरी बलायरको पनि मृत्यु भएको छ ।

हुम्लामा गएराती ८ बजे पहिरोले घर पुरिदा एकै परिवारका ६ जनाको मृत्यु भएको छ। मृत्यु हुनेमा खार्पुनाथ गाउँपालिका ५ खर्पैल गाउँमा स्थानीय ७० वर्षीया धनवीरे शाहीको घर पहिरोले पुर्दा उनीसहित छोरी आशा शाही, ज्वाँई कलबहादुर शाही, उनीहरुका तीन छोराहरु १३ वर्षीय अलिन्द्र शाही, ५ वर्षीय हुमेश शाही र ३ वर्षीय जसबहादुर शाहीको मृत्यु भएको जिल्ला प्रहरी कार्यालय हुम्लाले जानकारी दिएको छ ।

प्रकाशित मिति: बुधबार, कात्तिक ३, २०७८ १३:३९

प्रतिक्रिया दिनुहोस्