बाढी-पहिरोले देशभर ८८ जनाको मृत्यु, ३० अझै बेपत्ता

समाचार

गृहपृष्ठ
समाचार
बाढी-पहिरोले देशभर ८८ जनाको मृत्यु, ३० अझै बेपत्ता

बाढी-पहिरोले देशभर ८८ जनाको मृत्यु, ३० अझै बेपत्ता

बिहीबार, कात्तिक ४, २०७८ बागेश्वरी पोस्ट

नेपालगन्ज । केहिदिन देखि परेको वेमौसमी अविरल वर्षापछि बाढी, पहिरो र डुबानबाट ८८ जनाको मृत्यु भएको छ ।

गृहमन्त्रालयले जनाए अनुसार आज बिहानसम्म देशका विभिन्न जिल्लामा गरि ८८ जनाको मृत्यु भएको छ । अहिलेसम्म ३० जना बेपत्ता भएका छन् ।

बाढी,पहिरोबाट सबैभन्दा बढी पाँचथरमा २७ जनाको मृत्यु भएको छ । त्यस्तै पहिरोका कारण इलाम र डोटीमा १३/१३ जनाको मृत्यु भएको छ । कालीकोट, बैतडी, डडेलधुरा, बझाङ, हुम्ला, सोलुखुम्बु, प्युठान, धनकुटा, मोरङ, सुनसरी, उदयपुर लगायत १५ जिल्लामा बाढी, पहिरो र डुबानका कारण मृत्यु भएको गृह मन्त्रालयले जानकारी दिएको छ ।

बझाङमा सबैभन्दा बढी २१ जना अहिलेसम्म हराइरहेका छन् । आज मात्रै ११ जनाको मृत्यु पुष्टि भएको छ । यसअघि बुधबार ६३ र मङ्गलबार १४ को मृत्यु पुष्टि भएको थियो ।

प्रकाशित मिति: बिहीबार, कात्तिक ४, २०७८ १०:१७

प्रतिक्रिया दिनुहोस्