बम बिस्फोट हुँदा प्रहरी निरीक्षकसहित तीनजनाको मृत्यु

समाचार

गृहपृष्ठ
समाचार
बम बिस्फोट हुँदा प्रहरी निरीक्षकसहित तीनजनाको मृत्यु

बम बिस्फोट हुँदा प्रहरी निरीक्षकसहित तीनजनाको मृत्यु

शनिबार, मंसिर २८, २०७६ बागेश्वरी पोस्ट

जनकपुरधाम । धनुषामा बम बिस्फोट हुँदा प्रहरी निरीक्षकसहित तीनजनाको मृत्यु भएको छ । शुक्रबार राति करिब पौने १२ बजेको समयमा धनुषाको क्षिरेश्वरनाथ नगरपालिका वडा नं. ५ स्थित महेन्द्रनगर बजारमा बम बिस्फोट भएको हो ।

बिस्फोटमा ईलाका प्रहरी कार्यालय महेन्द्रनगरका प्रहरी निरीक्षक अमिर कुमार दाहालसहित तीनजनाको मृत्यु भएको हो । मृत्यु हुनेमा औषधि व्यवसायी ४८ वर्षे राजेश साह र उनका १६ वर्षे छोरा आनन्द साह समेत रहेको प्रहरीले जनाएको छ ।

साहका अर्को छोरा प्रकाश साह, छोरी अन्जली साह, प्रहरी जवान रिजन महतो घाइते रहेको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिएका छन् ।

साहको घरबाहिर पोलमा शंकास्पद वस्तु रहेको जानकारी पाएको प्रहरी निरीक्षक अमिर कुमार दाहाल नेतृत्वको इलाका प्रहरी कार्यालय महेन्द्रनगरबाट गएको टोलीले उपस्थित भीड हटाउदै गर्दा विष्फोट भएको बताइएको छ। बम विष्फोटमा दाहालको कोखामा छर्रा लागेको थियो ।

राजेश साह र उनका छोराको मृत्यु उपचारको क्रममा जनकपुरमा भएको हो । प्रहरी निरीक्षकलाई उपचारका लागि धरान लगिएको थियो र उनको त्यहिँ मृत्यु भएको प्रहरी नायव उपरीक्षक कार्कीले जानकारी दिए ।

घटना सम्बन्धमा थप अनुसन्धान भइरहेको प्रहरी नायव उपरीक्षक कार्कीले बताएका छन्।

प्रकाशित मिति: शनिबार, मंसिर २८, २०७६ ०७:१५

प्रतिक्रिया दिनुहोस्