प्रधानमन्त्री देउबाले भने-अर्ली इलेक्सनबारे गठबन्धनले निर्णय गर्छ

राजनीति

गृहपृष्ठ
राजनीति
प्रधानमन्त्री देउबाले भने-अर्ली इलेक्सनबारे गठबन्धनले निर्णय गर्छ

प्रधानमन्त्री देउबाले भने-अर्ली इलेक्सनबारे गठबन्धनले निर्णय गर्छ

एमसीसी पारित हुने भनाई

शुक्रबार, कात्तिक ५, २०७८ बागेश्वरी पोस्ट

कैलाली । प्रधानमन्त्री शेरबहादुर देउवाले अर्ली इलेक्सनबारे गठबन्धनले निर्णय गर्ने बताएका छन् । कैलालीको धनगढीमा प्रेस युनियनले आज विहान आयोजना गरेको पत्रकार सम्मेलनमा प्रधानमन्त्री देउवाले आफूले चाहेर मात्र अर्ली इलेक्सन नहुने बताए ।

सत्तारुढ काँग्रेस र विपक्षी एमालेमा अर्ली इलेक्सनको चर्चा भइरहेका बेला गठबन्धनले निर्णय लिने बताए । यस्तै सुदूरपश्चिम प्रदेशका बाढी–पहिरो प्रभावित क्षेत्रको भ्रमणमा रहेका प्रधानमन्त्री देउवाले तत्काल उद्धार र राहतको व्यवस्था गरिने आश्वासन दिए । बाढी–पहिरो पीडितका लागि तत्कालीन र दीर्घकालीन राहत प्याकेज ल्याइने उनले बताए ।

प्रधानमन्त्री देउवाले एमसीसी पास गरिने पनि बताएका छन् । देउवाले भने, ‘एमसीसी पास हुन्छ। यो ठूलो अनुदान हो, ऋण होइन । यो नेपालकै कानुन अनुसार हुन्छ । यति ठूलो अनुदान आएको छ, तर त्यो पनि चाहिएन भन्छन्, हद भइसक्यो,’ देउवाको भनाई थियो ।

प्रकाशित मिति: शुक्रबार, कात्तिक ५, २०७८ १०:५५