सर्वजितले भने-'म कांग्रेसमै छु, कुप्रचार नगरियोस्'

राजनीति

गृहपृष्ठ
राजनीति
सर्वजितले भने-'म कांग्रेसमै छु, कुप्रचार नगरियोस्'

सर्वजितले भने-'म कांग्रेसमै छु, कुप्रचार नगरियोस्'

शुक्रबार, कात्तिक ५, २०७८ बागेश्वरी पोस्ट

नेपालगन्ज । नेपालगन्जका सोमनाथ वर्मा (सर्वजित) ले आफू नेपाली कांग्रेसमै रहेको स्पष्ट पारेका छन् ।

नेपालगन्ज उपमहानगरपालिका वडा नम्बर ९ का वर्माले आफूलाई कांग्रेस छोडेर अन्य पार्टीमा प्रवेश गरेको भनिएको प्रति आपत्ति प्रकट गर्दै आफू कांग्रेसमै रहेको स्पष्ट पारेका हुन् । उनले आज एक प्रेस विज्ञप्ती जारी गर्दै भनेका छन्," हाल केही दिन यता मेरो नाम लिएर कुप्रचारवाजी गरी मेरो स्वाभिमानमाथि आँच आउने गरी गलत मनसाय राखेर मेरो चरित्र हत्या हुने खालका प्रचारवाजी गरिएको कुरा सुन्नमा आएकाले मैले नेपाली कांग्रेस पार्टी छोडी अन्य कुनै पार्टीको सदस्यता नलिएको र कहींकतै कुनै पार्टीमा प्रवेश नगरेको जानकारी गराउन चाहन्छु ।"

वर्माले आफ्नो चरित्र हत्या गर्ने कुचेष्टा गरिरहे त्यो महंगो पर्ने चेतावनी समेत दिएका छन् । उनले विज्ञप्तीमा कांग्रेस नेता कार्यकर्तालाई भ्रामक हल्लाको विश्वास नगर्न भनेका छन् ।

प्रकाशित मिति: शुक्रबार, कात्तिक ५, २०७८ १९:२९

प्रतिक्रिया दिनुहोस्