एमालेको आज देशभर वडा अधिवेशन

राजनीति

गृहपृष्ठ
राजनीति
एमालेको आज देशभर वडा अधिवेशन

एमालेको आज देशभर वडा अधिवेशन

बाँकेका ८१ वडामा तयारी पूरा

शनिबार, कात्तिक ६, २०७८ बागेश्वरी पोस्ट

नेपालगन्ज । नेकपा एमालेको दशौँ राष्ट्रिय महाधिवेशन अन्तर्गत् आज मुलुकभर वडास्तरका अधिवेशन हुँदैछन् । वडा अधिवेशनलाई पार्टीका अध्यक्ष केपी शर्मा ओलीले भर्चुअल माध्यमबाट उद्घाटन गर्ने र इन्टरनेट पहुँच भएका वडाका कार्यक्रममा त्यसलाई ‘डिस्प्ले’ गरिने तय गरिएको छ ।

बाँकेमा पनि आज ८१ वटै वडामा एक साथ अधिवेशन गरिने नेकपा एमाले बाँकेका अध्यक्ष निरक गुरुङले बताए । उनले वडा अधिवेशनको सबै तयारी पूरा भइसकेको बताए । उनका अनुसार बाँकेमा एमालेका ८ हजार संगठित सदस्य छन् ।

हालैको बाढी पहिरोबाट प्रभावित जिल्लामा भने केही समयपछि अधिवेशन हुने जनाइएको छ । यस्तै यही कार्तिक ९ गते सबै पालिकास्तरमा अधिवेशन हुनेछ ।

एमालेले महाधिवेशनमा सहभागी हुने प्रतिनिधिको मापदण्ड तय गर्न सो पार्टीले यही कार्तिक ११ गते स्थायी कमिटी र १२ गते केन्द्रीय कमिटीको बैठक बोलाएको छ ।

आगामी मङ्सिर १० देखि १२ गतेसम्म एमालेको दशौँ महाधिवेशन बागमती प्रदेशको चितवनमा हुनेछ । विसं २०७७ चैत मसान्तसम्म पार्टी सदस्य भएकालाई महाधिवेशन प्रतिनिधि बन्न योग्य बनाइएको छ ।

चितवनमा हुने एमालेको महाधिवेशनमा निर्वाचन प्रयोजनका लागि विद्युतीय भोटिङ मेशिन प्रयोग गरिनेछ ।

प्रकाशित मिति: शनिबार, कात्तिक ६, २०७८ ०९:३८

प्रतिक्रिया दिनुहोस्