वरिष्ठ नेता रामचन्द्र पौडेल आज बाँके आउँदै

राजनीति

गृहपृष्ठ
राजनीति
वरिष्ठ नेता रामचन्द्र पौडेल आज बाँके आउँदै

वरिष्ठ नेता रामचन्द्र पौडेल आज बाँके आउँदै

आइतबार, कात्तिक ७, २०७८ बागेश्वरी पोस्ट

नेपालगन्ज । नेपाली कांग्रेसका वरिष्ठ नेता रामचन्द्र पौडेल बाँके आउँदैछन् ।

वरिष्ठ नेता पौडेल बाँकेका नेता कार्यकर्ताहरुलाई सम्बोधन गर्न आज बाँके आउन लागेको नेपाली कांग्रेस बाँकेका युवा नेता पोषण केसीले जानकारी दिएका छन् । बाँकेमा हुन गइरहेको अधिबेशनका बारेमा छलफल गर्न नेता पौडेल नेपालगन्ज आउन लागेका हुन् ।

वरिष्ठ नेता पौडेलले आजै साँझ साढे ५ बजे बाँके क्षेत्र नम्बर १ का नेता कार्यकर्ताहरुलाई कोहलपुरमा भेट्ने कार्यक्रम रहेको नेता केसीले बताए । त्यस्तै भोलि बिहान ८ बजे वरिष्ठ नेता पौडेलले कार्यकर्तालाई नेपाली कांग्रेस पार्टी कार्यालयमा सम्बोधन गर्ने कार्यक्रम रहेको छ ।

वरिष्ठ नेता पौडेल नेपालगन्ज आउन लागेका कारण पार्टीका सबै नेता कार्यकर्ताहरुलाई अनिवार्य उपस्थित हुनका लागि नेपाली कांग्रेस बाँकेले निर्देशन जारी गरेको छ । सुदुरपश्चिम प्रदेशमा बाढी-पहिरो र डुबान क्षेत्रको निरीक्षण गरी वरिष्ठ नेता पौडेल नेपालगन्ज आउन लागेका हुन् ।

प्रकाशित मिति: आइतबार, कात्तिक ७, २०७८ १५:०८

प्रतिक्रिया दिनुहोस्