हाम्रो तर्फबाट सभापतिमा एउटै उम्मेदवार हुन्छः रामचन्द्र पौडेल

राजनीति

गृहपृष्ठ
राजनीति
हाम्रो तर्फबाट सभापतिमा एउटै उम्मेदवार हुन्छः रामचन्द्र पौडेल

हाम्रो तर्फबाट सभापतिमा एउटै उम्मेदवार हुन्छः रामचन्द्र पौडेल

सोमबार, कात्तिक ८, २०७८ बागेश्वरी पोस्ट

नेपालगञ्ज । नेपाली कांग्रेसका बरिष्ठ नेता रामचन्द्र पौडेलले आफ्नो समूहबाट सभापतिमा एक जना मात्र उम्मेदवार हुने दाबी गरेका छन् ।

नेपाल प्रेस युनियन बाँकेले आज विहान नेपालगञ्जमा आयोजना गरेको पत्रकार भेटघाट कार्यक्रममा बरिष्ठ नेता पौडेलले १४औं महाधिवेशनमा सभापति पदमा सहमतिमै एक जना उम्मेदवार हुने दाबी गरे । उनले भने-"हाम्रो बीचमा सभापतिमा एउटै उम्मेदवार दिएर अघि बढ्न समझदारी छ, हामी मिलेर एक जना उम्मेदवार दिन्छौं, म सबै साथीहरुलाई समेटेर एउटा उम्मेदवार बनाउने भन्ने पर्यत्नमै छु," पौडेलले थपे-"साथीहरुले बोलिरहनुभएको छ, तर, मैले म उम्मेदवार हुँ भनेर भनेको छैन, म त १३औं महाधिवेशनदेखि कै उम्मेदवार हुँदै हुँ ।" उनले व्यवस्थालाई भन्दा सत्तालाई महत्व दिँदा बेथिति बढेको बताए ।

संविधानको कार्यान्वयनका लागि सबै गम्भीर बन्न जरुरी रहेको बताउँदै पौडेलले हिजो केपी ओलीले म नै सबथोक हुँ भनेर अघि बढ्दा मुलुकले दुर्भाग्य ब्यहोर्नुपरेको टिप्पणी गरे । प्रधानन्यायाधिशले आफूलाई सुधार्नुपर्ने पौडेलको टिप्पणी छ ।

बरिष्ठ नेता पौडेलले तोकिएकै समयमा महाधिवेशन गर्नैपर्ने बताए । अब महाधिवशेन सार्ने छुट कांग्रेसलाई नभएको उनको भनाई छ । छिटो विधिबाट भएपनि निर्धारित मितिमा महाविधेशन गर्नुपर्ने उनले बताए ।

बाढी, पहिरो तथा भूक्षयबाट जनताले ठूलो क्षती व्यहोरेकाले सरकारले तत्काल प्याकेजमै राहत दिनुपर्ने उनको भनाई छ । बाढी पहिरो प्रभावित पश्चिमी जिल्लाहरुको निरिक्षण गरेर फर्केका पौडेलले पार्टी कार्यालयमा कार्यकर्ता भेटघाट पनि गरेका छन् ।