फिदिम बस दुर्घटनामा २ जनाको मृत्यु, ६२ जना घाइते

समाचार

गृहपृष्ठ
समाचार
फिदिम बस दुर्घटनामा २ जनाको मृत्यु, ६२ जना घाइते

फिदिम बस दुर्घटनामा २ जनाको मृत्यु, ६२ जना घाइते

सोमबार, कात्तिक ८, २०७८ बागेश्वरी पोस्ट

नेपालगन्ज । बस दुर्घटना हुँदा २ जनाको मृत्यु भएको छ भने ६२ जना घाइते भएका छन् । फिदिम नगरपालिका ४ सरखण्डेमा भएको बस दुर्घटनामा घाइते भएका दुई जनाको मृत्यु भएको हो ।

उपचारका लागि समर्पित अस्पताल पुर्‍याइएका एक बालक र एक महिलाको मृत्यु भएको हो । उनीहरूको सनाखत भने भएको छैन । चिकित्सकले उनीहरूलाई भर्खरै मृत घोषित गरेको अस्पतालका जनसम्पर्क अधिकृत गणेश रिजालले जानकारी दिए । दुर्घटनामा अन्य ६२ जना घाइते छन् । घाइतेमध्ये १५ बालबालिका छन् ।

घाइतेमध्ये जिल्ला अस्पतालमा उपचाररत चार जनालाई झापा पठाइएको जिल्ला अस्पतालका सूचना अधिकारी नारायण जोशीले जानकारी दिए । जिल्ला अस्पतालसहित समर्पित र पाथीभरा अस्पतालमा उपचाररत थप १० जनालाई अन्यत्र पठाउने तयारी गरिएको छ । घाइतेमध्ये समर्पित अस्पतालमा उपचाररत तीन जना सामान्य उपचारपछि घर फर्केका छन् ।

फिदिम ४ शिवादोभानबाट झापाका लागि छुटेको को १ख ३८६५ नम्बरको बस बिहान करिब ११:३० बजे सडकबाट झरेर दुर्घटना भएको थियो । अर्को सवारी साधनलाई उछिन्ने क्रममा सडकको डिलबाट बस अगाडि बढ्दा करिब २० मिटर तल झरेको हो । दुर्घटनामा बसमा सवार सबै यात्रु घाइते भएका थिए ।

प्रकाशित मिति: सोमबार, कात्तिक ८, २०७८ १५:५३

प्रतिक्रिया दिनुहोस्