देशैभर आज एमालेको पालिका अधिवेशन

राजनीति

गृहपृष्ठ
राजनीति
देशैभर आज एमालेको पालिका अधिवेशन

देशैभर आज एमालेको पालिका अधिवेशन

मंगलबार, कात्तिक ९, २०७८ बागेश्वरी पोस्ट

नेपालगन्ज । नेकपा (एमाले)को दशौँ राष्ट्रिय महाधिवेशन अन्तर्गत् आज देशभर पालिका अधिवेशन हुँदैछन् ।

पूर्वनिर्धारित कार्यतालिका अनुसार आज देशभरका गाउँपालिका र नगरपालिकामा अधिवेशन हुने एमालेले जनाएको छ । अधिवेशनको दिउँसो १ बजे पार्टी अध्यक्ष केपी शर्मा ओलीले थापाथलीस्थित पार्टी कार्यालयको वार रुमबाट भर्चुअल माध्यमबाट उद्घाटन गर्ने कार्यक्रम रहेको छ ।

बाँकेका पनि ८ वटै पालिकामा आज अधिवेशन हुँदैछ । सबै पालिकामा अधिवेशनको तयारी पूरा भइसकेको अध्यक्ष निरक गुरुङले बताए । केही जिल्लामा भने प्राविधिक कारण देखाउँदै पालिका अधिवेश सारिएको छ । बाढीपहिरो प्रभावित केही जिल्लाहरूमा पनि आज अधिवेशन हुन नसक्ने सम्बन्धित जिल्ला कमिटीले जनाएको छ ।

एमालेले यसअघि नै कात्तिक ६ गते वडा र ९ गते पालिका अधिवेशन गर्ने निर्णय गरेको थियो । जसअनुसार ६ गते वडा अधिवेशन सम्पन्न भइसकेका छन् ।

बाढीपहिरो प्रभावित भएका ठाउँ र सहमति हुन नसकेका केही ठाउँमा भने वडाको नेतृत्व चयन हुन सकेको छैन ।

अधिवेशनले अध्यक्ष, उपाध्यक्ष र सचिव एक/एक जना, उपसचिव दुई जनासहित महानगरपालिका १०१, उपमहानगरपालिकामा ८५ र नगरपालिका र गाउँपालिकामा ७५ सदस्यीय कमिटी चयन गर्नेछ ।

प्रकाशित मिति: मंगलबार, कात्तिक ९, २०७८ ०८:४१

प्रतिक्रिया दिनुहोस्