साढे चार लाख नगदसहित २० जुवाडे पक्राउ

समाचार

गृहपृष्ठ
समाचार
साढे चार लाख नगदसहित २० जुवाडे पक्राउ

साढे चार लाख नगदसहित २० जुवाडे पक्राउ

सोमबार, कात्तिक १५, २०७८ बागेश्वरी पोस्ट

नेपालगञ्ज । दाङको घोराहीबाट साढे चार लाख बढी नगदसहित २० जुवाडे पक्राउ परेका छन् ।

घोराही उपमहानगरपालिका वडा नम्बर १४ रझेनामा २५ वर्षीय यज्ञ खड्काको घरमा अबैधरुपमा जुवा भइरहेको भन्ने सूचनाका आधारमा पुगेको प्रहरी टोलीले छापा मारेर २० जना जुवाडेसहित चार लाख ६४ हजार आठ सय ८१ रुपैयाँ नगद बरामद गरेको एसपी सुरेश काफ्लेले बताए ।

प्रहरी कार्यालयदेखि झण्डै तीन किलोमिटर उत्तरमा पर्ने रझेनास्थित खड्काको घरमा छापा मारेर प्रहरीले जुवाडेले प्रयोग गरेका चार वटा कारहरु समेत नियन्त्रणमा लिएको उनले बताए ।

कौडा खेलिरहेको अवस्थामा जुवाको खालबाट रोल्पा रुन्टीगढी गाउँपालिकाका ४३ वर्षीय रुपलाल बिक, दाङको घोराही उपमहानगरपालिका १५ का ४२ वर्षीय यज्ञप्रताप बस्नेत, ५१ वर्षीय रामप्रसाद गिरी, २८ वर्षीय मानबहादुर बुढा मगर, ५० वर्षीय रगेन्द्र श्रेष्ठ, घोराही १४ का २९ वर्षीय लालबहादुर अमल, घोराही १५ का ५७ वर्षीय शरद लामिछाने, घोराही १२ का ५२ वर्षीय कुलराज वली रहेका छन् ।

त्यस्तै घोराही ४ गोग्लीका ६२ वर्षीय श्रीधर अधिकारी, घोराही ५ का ५७ वर्षीय नवीन पछाँँई, घोराही १५ का ५७ वर्षीय महावीर वली, सोही ठाउँका ५२ वर्षीय चेतनाथ धिताल, ४६ वर्षीय सुवास धिताल, ४२ वर्षीय विकास खत्री, ४२ कै प्रमोद गौतम, घोराही १९ का ५६ वर्षीय ईश्वर रायमाझी, घोराही १६ का ३४ का रवि गिरी, घोराही १८ का ४९ वर्षीय समिर लामा, घोराही १४ का २५ वर्षीय यज्ञ खड्का र घोराही १४ का २४ वर्षीय कमल घर्ती रहेको प्रहरीले जानकारी दिएको छ ।

केही दिन अघि मात्रै दाङकै तुलसीपुरबाट पनि ८ जना जुवाडे पक्राउ परेका थिए ।

प्रकाशित मिति: सोमबार, कात्तिक १५, २०७८ १०:४३

प्रतिक्रिया दिनुहोस्