बँदेल आउन नदिन नेपालगञ्ज विमानस्थलको झाडी सफा गरियो

समाचार

गृहपृष्ठ
समाचार
बँदेल आउन नदिन नेपालगञ्ज विमानस्थलको झाडी सफा गरियो

बँदेल आउन नदिन नेपालगञ्ज विमानस्थलको झाडी सफा गरियो

बुधबार, कात्तिक १७, २०७८ बागेश्वरी पोस्ट

नेपालगञ्ज । नेपालगञ्ज विमानस्थलभित्रको झाडी (बुट्यान) सफा गरिएको छ । नेपालगञ्ज विमानस्थल आसपासमा रहेको झाडी हटाएर आज विहान सफाई गरिएको हो ।

नजिकको झाडीमा रहेका बँदेल रनवेमै आएर जहाजसँग ठोक्किन थालेपछि भैरवप्रसाद गणका गणपति प्रमुख सेनानी जनमत कार्की, नेपाल प्रहरीका एसपी श्यामकृष्ण अधिकारी, सशस्त्र प्रहरीका निरिक्षक नवराज शाहीको कमाण्डमा आज विहान ८ बजेतिर झाडी सफा गरिएको हो । झाडी सफा गर्न नेपाली सेनाका ९० जना, सशस्त्र प्रहरीका ४० र नेपाल प्रहरीका ३० जना गरी १ सय ६० सुरक्षाकर्मी परिचालन भएका थिए ।

झाडीबाट विमानस्थलको रनवेमा बँदेल आउँदा पटक–पटक जहाजमा ठोक्किएको छ । जसले गर्दा जिल्ला प्रशासन कार्यालय बाँकेको अगुवाईमा तीन वटै सुरक्षा निकायका सुरक्षाकर्मीले संयुक्तरुपमा विमानस्थल आसपासमा सरसफाई गरेका हुन् ।
बाँकेका प्रमुख जिल्ला अधिकारी सूर्य बहादुर खत्रीको सक्रियता र अगुवाईमा सरसफाई गरिएको हो ।

मंगलबार मात्रै हुम्लाको सिमकोट उड्न थालेको सीता एयरको जहाजमा बँदेल ठोक्किएको थियो । जहाजसँग ठोक्किएका तीन वटा बँदेल मरेको थिए । त्यसअघि बुद्ध र यति एयरका जहाजमा पनि बँदेल ठोक्किसकेको छ ।

प्रकाशित मिति: बुधबार, कात्तिक १७, २०७८ ११:३८

प्रतिक्रिया दिनुहोस्