कांग्रेस अधिवेशनः बाँकेमा चुनिँदैछन् १२८५ क्षेत्रीय प्रतिनिधि(सूचीसहित)

राजनीति

गृहपृष्ठ
राजनीति
कांग्रेस अधिवेशनः बाँकेमा चुनिँदैछन् १२८५ क्षेत्रीय प्रतिनिधि(सूचीसहित)

कांग्रेस अधिवेशनः बाँकेमा चुनिँदैछन् १२८५ क्षेत्रीय प्रतिनिधि(सूचीसहित)

मंगलबार, कात्तिक २३, २०७८ बागेश्वरी पोस्ट

नेपालगञ्ज । नेपाली कांग्रेसले बाँकेमा कार्तिक २७ गते शनिवार वडा अधिवेशन गर्दैछ । वडा अधिवेशन हुन बाँकी १३ जिल्लामा २७ गते अधिवेशन तोकिएको छ । बाँकी ६४ जिल्लामा वडा अधिवेशन सम्पन्न भइसकेको छ । मंसिर २४ देखि २६ गतेसम्म काठमाण्डौमा हुने तय गरिएको १४औं महाधिवेशन अन्तर्गत् विभिन्न तहका अधिवेशनहरु भइरहेका छन् ।

लामो विवादपछि क्रियाशील सदस्यताको टुंगो लागेसंगै बाँकेमा निकै ढिला गरी अधिवेशन प्रारम्भ हुन लागेको हो । वडा अधिवेशनबाट कांग्रेसमा क्षेत्रीय प्रतिनिधि चुनिन्छन् । क्षेत्रीय प्रतिनिधिलाई गाउँ नगर हुँदै प्रदेश क्षेत्र, प्रतिनिधिसभा क्षेत्रदेखि जिल्लासम्मको नेतृत्व चुन्ने मताअधिकार हुने भएकाले क्षेत्रीय प्रतिनिधि आउन थुप्रैले आकांक्षा राख्छन् । महाधिवेशन प्रतिनिधि लड्न पनि क्षेत्रीय प्रतिनिधि बनेर आउनुपर्दछ । उम्मेदवार बन्न त क्षेत्रीय प्रतिनिधि हुनैपर्छ । कांग्रेस विधान अनुसार प्रत्येक वडाबाट क्रियाशील सदस्यको संख्याको आधारमा प्रतिनिधि चुनिन्छन् । कम्तीमा १५ जनादेखि ४५ जनासम्म क्षेत्रीय प्रतिनिधि चुनिने अवस्था छ ।

८१ वडाबाट बाँकेमा १२ सय ८५ क्षेत्रीय प्रतिनिधि चुनिन्छन् । त्यस बाहेक ८१ वडाका वडा सभापति पनि क्षेत्रीय प्रतिनिधिकै हैसियतमा हुन्छन् । सबैभन्दा बढी क्षेत्रीय प्रतिनिधि कोहलपुरको वडा नम्बर १० बाट चुनिँदैछन् । यहाँबाट ३५ जना क्षेत्रीय प्रतिनिधि चुनिन्छन् ।

वडाबाट क्षेत्रीय प्रतिनिधि निर्वाचनसंग सम्बन्धित अनुसूची अनुसार कांग्रेसले प्रत्यक्ष, खस आर्य, आदिबासी जनजाती, मधेशी, दलित, थारु, मुस्लिम र समानुपातिक क्लष्टरमा प्रतिनिधि चुन्ने व्यवस्था गरेको छ । प्रत्येक क्लष्टरमा महिला प्रतिनिधित्व पनि संख्या तोकेरै सुनिश्चित गरेको छ । वडामा रहेको बसोबास र जनसंख्याका आधारमा निश्चित जातीको निश्चित प्रतिनिधित्व सुनिश्चित गरिएको छ ।

पालिका अनुसार सबैभन्दा बढी २३ वडा रहेको नेपालगञ्ज उपमहानगरपालिकाबाट ३४५ जना क्षेत्रीय प्रतिनिधि चुनिन्छन् । नेपालगञ्जका २३ वटै वडाबाट १५/१५ जना निर्वाचित हुनेछन् ।

वडा अधिवेशनबाट प्रत्येक वडाको वडा कार्यसमिति र क्षेत्रीय प्रतिनिधि चुनिन्छन् । क्षेत्रीय प्रतिनिधि सरह वडा सभापतिलाई पनि माथिल्ला तहको अधिवेशनका लागि मताधिकार हुन्छ । बाँकेमा ८१ वडा छन् । ८१ वडाबाट बाँकेमा १२ सय ८५ क्षेत्रीय प्रतिनिधि चुनिन्छन् । यो बाहेक प्रदेशसभा र प्रतिनिधिसभाका सांसद तथा उम्मेदवार बनेकाहरु स्वतः क्षेत्रीय प्रतिनिधि हुने कांग्रेस विधानमा उल्लेख छ । त्यस बाहेक ८१ वडाका वडा सभापतिलाई पनि मताधिकार हुन्छ । सबैभन्दा बढी क्षेत्रीय प्रतिनिधि कोहलपुरको वडा नम्बर १० बाट चुनिँदैछन् । यहाँबाट ३५ जना क्षेत्रीय प्रतिनिधि चुनिन्छन् । यो वडामा क्रियाशील सदस्यको संख्या ३८१ छ । बाँकेका ६ वडा वडा बाहेक सबैबाट १५/१५ जना प्रतिनिधि चुनिनेछन् । कोहलपुर १० बाट ३५ जना, कोहलपुर ८ बाट २५ र कोहलपुर ११ बाट पनि २५ जना निर्वाचित हुनेछन् । त्यस्तै बैजनाथ ६ बाट २५, खजुरा ३ बाट २५ र राप्तीसोनारी १ बाट २५ जना क्षेत्रीय प्रतिनिधि निर्वाचित हुनेछन् । नेपालगञ्जका २३ वटै वडाबाट १५/१५ जना निर्वाचित हुनेछन् ।

पालिका अनुसार सबैभन्दा बढी २३ वडा रहेको नेपालगञ्ज उपमहानगरपालिकाबाट ३४५ जना क्षेत्रीय प्रतिनिधि चुनिन्छन् । १५ वडा रहेको कोहलपुरबाट २६५, ८/८ वडा रहेको खजुरा र बैजनाथबाट १३०/१३०, ६/६ वडा रहेको डुडुवा, जानकी र नरैनापुरबाट ९०/९० जना तथा ९ वटा वडा रहेको राप्तीसोनारीबाट १४५ जना क्षेत्रीय प्रतिनिधिमा निर्वाचित हुन्छन् । बाँकेमा जम्मा क्रियाशील संख्या ९६७८ छ ।

हेर्नुस् कुन वडाबाट कति निर्वाचित हुन्छन्-

No description available.