बाँके कांग्रेस पार्टी कार्यालयमा लागेको ताला खुल्यो

राजनीति

गृहपृष्ठ
राजनीति
बाँके कांग्रेस पार्टी कार्यालयमा लागेको ताला खुल्यो

बाँके कांग्रेस पार्टी कार्यालयमा लागेको ताला खुल्यो

बिहीबार, कात्तिक २५, २०७८ बागेश्वरी पोस्ट

ताला खोल्दै युवा नेताद्वय डिल्ली गिरी र पूर्ण आचार्य

नेपालगन्ज । नेपाली कांग्रेस पार्टी कार्यालयमा लगाइएको ताला खुलेको छ । फर्जी क्रियाशील सदस्यतालाई वैधानिकता नदिने प्रतिबद्धतापछि ताला खोलिएको कांग्रेस युवा नेता पूर्ण आचार्यले बताए ।

बुधवार साँझ नेपाली कांग्रेस बाँकेको कार्यालयमा रहेको १४औं अधिबेशन निर्वाचन सचिवालयमा ताला लगाइएको थियो । केन्द्रिय क्रियाशील सदस्यता छानविन समिति सदस्य, केन्द्रिय निर्वाचन समितिका पदाधिकारी एवं सदस्यहरु र जिल्ला निर्वाचन अधिकृतसंगको संवाद र छलफलबाट २३९ फर्जी क्रियाशील सदस्यतालाई बैधानिकता नदिने प्रतिबद्धता व्यक्त भएपछि निर्वाचन सचिवालयमा लागेको ताला खोलेको आचार्यले जानकारी दिए ।

फेरि यस्तै अबैध क्रियाशील सदस्यता कहिँकतैबाट कुनै पनि बहानामा थपघट गर्ने गराउने काम भएमा सशक्त प्रतिकार गर्न बाध्य हुने आचार्यले चेतावनी दिए । कार्तिक २७ गतेलाई तय भएको वडा अधिवेशन अब एक दिन पछाडि धकेलिने देखिएको छ । बाँकेमा सबै तहका अधिवेशन अब १/२ दिन पछाडि सर्ने देखिन्छ ।

प्रकाशित मिति: बिहीबार, कात्तिक २५, २०७८ १७:४२

प्रतिक्रिया दिनुहोस्