सुरु भयो बाँके कांग्रेसको वडा अधिवेशन, आज उम्मेदवारी दर्ता

राजनीति

गृहपृष्ठ
राजनीति
सुरु भयो बाँके कांग्रेसको वडा अधिवेशन, आज उम्मेदवारी दर्ता

सुरु भयो बाँके कांग्रेसको वडा अधिवेशन, आज उम्मेदवारी दर्ता

शनिबार, कात्तिक २७, २०७८ बागेश्वरी पोस्ट

नेपालगन्ज । नेपाली कांग्रेस बाँकेको अधिवेशन आजदेखि सुरु भएको छ । आजदेखि ८१ वटै वडामा चुनावी कार्यक्रम सुरु हुँदैछन् ।

आज हरेक वडामा मतदाता नामावली प्रकाशनदेखि उम्मेदवारी मनोनयन दर्ताका कार्यक्रम छन् । त्यसका लागि निर्वाचन अधिकृतहरु वडा वडामा पुग्ने क्रम सुरु भइसकेको छ । एकल उम्मेदवारी परेका वडामा आजै सर्वसम्मत नयाँ नेतृत्व चयन हुनेछ । सर्वसम्मत हुन नसके भोली मतदान हुने प्रमुख निर्वाचन अधिकृत वरिष्ठ अधिवक्ता रेवतीरमण भट्टराईले बताए ।

निर्वाचन कार्यक्रम अनुसार आज विहान १० बजे ८१ वटै वडाका मतदान केन्द्रमा प्रथम मतदाता नामावली प्रकाशन गरिनेछ । विहान ११ः१५ बजे संशोधनपछि मतदाता नामावली प्रकाशन, विहान ११ः२० देखि ३ बजेसम्म उम्मेदवारी मनोनयन, ३ः५० बजे उम्मेदवारको प्रथम नामावली प्रकाशन, दिउँसो ३ः५५ देखि ४ बजेसम्म उम्मेदवारीमाथि दावी विरोधका लागि समय निर्धारण गरिएको छ ।

सहायक निर्वाचन अधिकृत चित्र बहादुर शाहीका अनुसार दिउँसो ४ बजे उम्मेदवारको दावी विरोधपछिको संशोधित नामावली प्रकाशन, ४ः०५ बजेदेखि ६ बजेसम्म उम्मेदवारी फिर्ता, बेलुका ६ः३० बजे उम्मेदवारको अन्तिम नामावली प्रकाशन, भोली विहान ९ बजेदेखि दिउँसो ४ बजेसम्म मतदान र मतदान पश्चात गणना तथा मत परिणाम घोषणा गरिनेछ ।

प्रकाशित मिति: शनिबार, कात्तिक २७, २०७८ ०८:४०

प्रतिक्रिया दिनुहोस्